Charter Document - 05940040

In nomine sancte et indiuidue trinitatis sempiterni et incommutabilis Dei Dudo gratia Dei Deruensis cenobii abbas quod in honore beatissimorum apostolorum Petri et Pauli beatissimus Bercharius martir et abba fundauit Notum fieri uolumus tam presentibus quam futuris sancte Dei ecclesia fidelibus quod quadam nobilis matrona Adeleidis nomine ex Burgundie partibus nostram adiit presentiam et pro remedio anime sue suorumque predecessorum quandam sui proprii iuris uillam ab incolis Venvers uocitatam nostre ecclesia in perpetuum possidendam tradidit In qua etiam postea in pace sepulta quieuit Preerat tunc Lingonensi ecclesia Bruno presul egregius ad Dei iustitiam faciendam paratissimus et ad debellandos superbos opinatissimus Cui quia propinquitate carnis eadam coniuncta fuerat ipsam uillulam sue defensione commisimus quam omni uite sue tempore ab omni direptione et hostium peruasione inmunem seruauit Post excursum uero dierum quibus uite huius fortitus est terminum preda extitit diripientium et fere redacta ad nichilum Quocirca communi nostrorum decreuimus consultu fidelium cuidam militi Rainoldo inter suos nobilissimo et boni testimonio uiro secularique potentia predito curam huius defensionis committere Statuimus denique ex erario nostro duodecim ei libras denariorum hac conditione persoluere quatinus conuentio que antiquitus facta esse dinoscitur inuiolabilis perseuerat uidelicet ut si quispiam uir aut mulier de potestate que dicitur Ainai ad nostram confugerit liberam et absque ullius persequutione consistendi habeat facultatem et in postmodum ab omni oppressione pagensium circumquaque degentium sua tuitione seruetur Concessimus etiam ei per singulos anni recursus in festiuitate Sancti Martini ex uno quoque manso uestito denarios sex ea tamen ratione si officium optimi defensoris laudabiliter impleuerint Ratum ergo omnimodis decernimus ut neque suis neque successorum suorum temporibus quisquam uel ministerialium uel officialium aliquam uim uel malam consuetudinem contra nostrum decretum inferre audeat neque mensuras imponere augere uel minuere neque carropera extorquere neque pastum equorum uel canum aut ursorum requirere seu pedituram uel aliqua opera contra morem exigere aut aliquam hospitalitatem seruientium hac illacque discurrentium repetere sed hec ad usus monachorum Deo famulantium liceat retorquere Si qui uero contra statuta nostra hanc auctoritatem priuilegii infringere uoluerint excommunicamus et omni genere maledictionis expugnamus et cum Datan et Abiron rebellium Domini et luda traditore in inferno inferiori detrudendos dampnamus Et ut hec nostre auctoritatis corroboratio inconuulsa et per succedentia tempora intemerata permaneat manu nostra nostrorumque fidelium roborandam sanximus S domni Dudonis abbatis S Rainoldi militis cuius uoluntate et consilio hec descriptio facta est S Odonis filii eius S Hingonis S Tebaldi canonici S item Hingonis S Deodati nostri decani S Dudonis S Benzonis S Hugonis S Bertranni S Neuelonis S Stephani S Vuandelgerii S Alberti S item Alberti S Teboldi S Seiardi S Goberti S Badini S Vuiteri S item Bertranni S Rogeri S Nocheri S Teodonis S Arengeri S Iaimari S Milonis S Rodulfi S item Hugonis S Albrici S Ragenberti S item Teodonis S Bernieri S Golboldi S Vuidonis