Charter Document - 05940033

In nomine Domini Dei et saluatoris nostri Ihesu Christi diuina ordinante prouidentia Rotbertus rex Si iustis et rationabilibus seruorum Dei petitionibus aurem clementie impendimus procul dubio exinde eternam a Domino mercedem nos recepturos speramus Quapropter uniuersis sancte Dei accclesie fidelibus tam presentibus quam futuris notum fieri uolumus quoniam Dudo uenerabilis abba et ceteri fratres ex monasterio quod uocatur Putiolos quod est in Deruo constructum in honore beatorum apostolorum Petri et Pauli ac Sancti Bercharii qui ipsum monasterium a nouo opere construxerat ubi nunc ipse gloriosus martir et Sancta Theodosia corpore requiescunt ante presentiam nostram uenerunt et causas sue necessitatis humiliter intimauerunt reclamationem facientes de quibusdam rebus predicto monasterio ablatis scilicet de septem ecclesiis de Ragisicorte de Vallis de Faia de Tramiliaco de Saura Terra de Sancto Cristophoro de Laderciacacorte Quas quidam miles Stephanus de Iunciuilla nuper sua fortitudine inuaserat uidelicet predicti tempore abbatis Huius clementissime fauentes petitioni ostendimus eam fidelium nostrorum clarissime congregationi scilicet archiepiscoporum episcoporum abbatum monachorum clericorum comitum ceterorumque multorum qui ad benedictionem mee prolis Henrici futuram in die sancto Pentecosten conuenerant Igitur episcoporum sancta conuentio et procerum meorum amabilis multitude huius religiosi uiri petitionem iudicantes suscipere tam pro remedio anime nostre quam pro statu sancte Dei ecclesia cui uidebatur preesse quam predictus miles aberat qui Dei ecclesia res inuaserat et presentialiter aliam non poteramus facere iusticiam eum decreuere percuti gladio anathematis Quorum decreto libenter assensum prebentes hoc solum predicto abbati suggessimus ut ilia die ab hac re desineret dicentes non esse uoluntatis nostre quemquam ilia die maledici qua filium meum statueramus benedici In crastinum uero dilatam proclamationem iam dicto abbate ante presentiam nostram repetente atque hoc idem pluribus in locis se fecisse sed non profuisse sibi adserente iussimus cateruse episcoporum cum laude qui in presentia aderant principum ut eterne maledictioni memoratum militem nisi resipisceret supponerent Quod et factum est Auctoritate Dei patris omnipotentis et sancte Dei genitricis Marie et Sancti Petri et omnium apostolorum et omnium electorum Dei excommunicamus et omni genere maledictionis expugnamus predictum militem Stephanum qui res sanctorum apostolorum Petri et Pauli Sanctique Bercharii martiris usurpando peruasit nisi quod peruasit reddiderit et per congruam satisfactionem penituerit Istius anathematis uinculum nos pariter cum reliquis roborantes iussimus ut usque ad satisfactionem haberet uigorem et litteris que acta sunt denotarentur et pontifices cum principibus quorum iudicio hec gesta sunt subscriberentur S Rotberti gloriosissimi Francorum regis S Eubli archiepiscopi S Goffridi episcopi S Beroldi episcopi S Fromundi episcopi S Acelini episcopi S Odilonis abbatis S Rogeri episcopi S Airardi abbatis S Fulconis episcopi S Richardi abbatis S Harduini episcopi S Odonis comitis S Vuarini episcopi S Guilelmi comitis S Lantberti episcopi