Charter Document - 05940023

In nomine sancte et indiuidue trinitatis Ego Alledulfus cogitaui de Dei timore et de eterna retributione Et pro peccatis meis minuendis ut me Deus omnipotens de penis inferni eripere dignetur dono res meas ad Sanctum Petrum Deruensis ecclesia ubi Sanctus Bercharius recubat ad mensam fratrum qui ibi die cotidie seruiunt et ibi uolo recumbere ad Sanctum Petrum qui potestatem habet ligandi atque soluendi ut michi absoluat et in gloria eterna simul cum illo collocet Propter hoc dono res meas quod habeo in comitatu Blesense in finem Flamereicurte ecclesia tercia parte et quicquid in ipsa uilla uel in ipsa fine habeo totum ad integrum Sanctum Petrum dono ut ad festiuitatem Sancti Remigii quod est kalendas Octobris denarios xii ad mensam fratrum in eulogias persoluat unde fratres ipsius loci caritatem faciunt Similiter in Scatanicurte quicquid habeo totum ad integrum ipsius loci dono Et in alio loco in Brachei quicquid habeo Et in finem Aurisi Et in finem Raschisoli Et in finem Goldrisei Infra istas fines totum ad integrum Sanctum Petrum dono et trado sine ullo contradicente Et ad festiuitatem Sancti Remigii ipsius presbiter denarios sex ad mensam fratrum persoluat Postea uero si alicuius falsa persona uenerit et istam traditionem infringere uoluerit in primis iram Dei incurrat et a Sancto Petro cum omnibus sanctis excommunicatus appareat et in penis inferni cum Dathan et Abiron possideat et non euindicet quod repetit Et hec traditio firma permaneat constipulatione subnixa Eo tempore regnante Karolo rege Francorum et in omnibus regnis imperauit S Alledulfi qui hanc traditionem Sancti Petri fecit et adfirmando tradidit S Eirberti fratris eius S Gundulfi similiter fratris eius S Sunnasii S Andeloni S Sigebaldi S Remigii S Narbranni