Charter Document - 05940021

In nomine sancte et indiuidue trinitatis Karolus gratia Dei rex Si reuerendorum Dei seruorum iustis rationabilibusque petitionibus altitudinis nostre aurem accommodamus regie celsitudinis operibus exequimur et ob id facilius nos diuinam propitiationem adepturos omnino confidimus Quapropter omnium sancte Dei ecclesia tam nostrorum presentium quam futurorum comperiat sollertia qualiter karissimus et ueneranter recolendus nobis Pardulus Lugdunensis ecclesia episcopus atque memorabilis rector Deruensis monasterii quod est fundatum in honore beatorum apostolorum Petri et Pauli ubi etiam beatus Bercharius honorabilis Christi martir et Theodosia uirgo Christi ueneranter habentur humati ad nostram se colligens maiestatem obtulit optutibus nostris preceptum iamdudum nostra auctoritate roboratum suggerente celsitudini nostre Altmaro inlustri uiro et memorati monasterii quondam rectore in quo adnotate uidebantur res et uille unde prefati monasterii monachi necessarios usus percipere debebant Sed non hoc ad eorum necessitatem supplendam superius memorato dilecto nobis uenerabili episcopo Pardulo sufficienter uisum fuit Ideoque et quasdam uillas ipsis aliis rebus sua beniuolentia addere uoluit et nostra quoque regali munificentia per adnotationem precepti roborari postulauit Quarum utrarumque rerum integritas hic habetur inserta id est Summa Vigra que habet xiiii mansos et basilica eius cum suis appendiciis Villa Mortriu que habet mansos xx cum sua basilica Villa Tilius que habet mansos v cum basilica Villa Saura Terra cum mansis xxii et propria basilica Dudiniacicurtis cum mansis xvii et propriis basilicis Villa Prisciacus cum mansis xii et propriis basilicis Villa Brah cum mansis xxviii et propria basilica In uilla Cappas mansum unum Territorium quoque quod adiacet intra fines Dudiniacicurtis et pertingit usque ad fines Lesmondi uille colligens in capite duas regales uias et campaniolam usque ad fines de uilla Prisciaco superius dicta et peruenit usque ad fines Alnidi uille Breonensis In Trochiniacacurte mansum i ubi ecclesia est In Larciaca curte vii mansi cum ecclesia una et territorium quod pertingit usque ad fines Alnidi uille et uadit per fines Cataracte cadens usque ad uiam publicam In uilla quoque que dicitur Perta quinque mansi cum ecclesia una et appenditiis suis In Torciaco mansi v cum appenditiis suis In Olonna uero vii mansi cum ecclesia una in honore Sancti Desiderii consecrata et quicquid ibi a fidelibus Dei traditum est ad altare sancti Petri id est mancipia xxx cum terris cultis et incultis siluam communem farinaria ii mercatum cum salniuo suo et ex ponto rotaticum totum ad integrum quod a transeuntibus exigitur quod quondam Boso comes palatinus noster pro remedio anime sue Sancto Petro dedit et nostra auctoritate regali corroborari petiuit In Puellari autem Monasterio mansi iii et dimidius cum appenditiis suis ad seruitium Dei agendum sicut et in Deruo monasterio constituimus In Aliniacacorte terre indominicatas ubi conduma monachorum fieri debeat cum prato et mansis ii et dimidio Et hec sunt res que superadiecit memoratus episcopus Pardulus Id est uilla que nuncupatur Villa cum mansis xx et eorum appenditiis et ecclesiis tribus Et in uilla Brais mansi vii cum ecclesia et pediture de pratis quas homines monachorum faciunt qui de eorum uillis ad hoc idem agendum more solito conueniunt Necnon et mancipia de Corniaco quorum uocabula hec sunt Tidiliana cum infantibus suis et Huneriana cum infantibus suis Simul etiam quicquid memorati fratrum famuli de iam dictis siluarum concisis extirpare poterint totum in usus fratrum absque subtractione alicuius permaneat Has denique uillas et basilicas cum omni plenitudine id est cum mancipiis et terris cultis et incultis uineis pratis siluis aquis aquarumue decursibus molendinis exitibus et regressibus et quicquid idem monachi in iam dicto monasterio seu in his locis uel uillis nutriminis ad eorum subleuandam necessitatem facere possunt simul etiam et omnem elemosinam quam Dei fideles pro absolutione peccatorum eorum illis contulerint ueluti a supradicto uenerabili episcopo Pardulo institutum et deputatum esse cognoscitur Insuper uolumus atque ordinamus ut uillas et terre atque mancipia eecclesias quoque et molendinos quos idem monachi in suis possessionibus construxerunt siluas etiam quas ex omni parte in circuitu monasterii concessimus et mercatum in predicta uilla Olonne et tresturas ad salem emendum quas de pontanatico Sancto Petro et Beato Berchario in usus monachorum tradidimus absque alia contradictione per hanc nostram regalem auctoritatem teneant atque possideant Super Maternam quoque fluuium in uilla que Velcenias dicitur mansum indominicatum aliasque terre indominicatas et siluam propriam cum uineis ad modios clx Quas uidelicet uineas monachi in suo indominicatu teneant et in suos usus semper excolere studeant Hoc autem precipue ex auctoritate Dei omnipotentis seu nostra regali auctoritate interdicimus ut neque comes neque aduocatus neque alia potens persona in omnibus uillis et possessionibus monachorum placitum suum teneat neque fredas exigat uel aliquam districtionem facia neque homines Sancti Petri et Sancti Bercharii pro aliqua offensa uel pro aliqua re alicui bannum comiti in omni potestate sua persoluant nec in omni regno nostro de rebus et negotiis suis cuiquam ministeriali rotaticum reddant sed omnes monachi et cuncta familia eiusdem loci sub mundiburgio nostro uel successorum nostrorum regum semper consistant et sub nostra defensione permaneant Abba quoque uel rector monasterii eiusdem in capella nostra episcopis et abbatibus nostris adhereat et nobis familiariter deseruiat ita tamen ut uitse sue regulam non excedat et pro quacumque utilitate et necessitate sua nostram presentiam licite adeat et causas oportunitatis sue nobis familiariter ostendat Defuncto autem abbate propriam eis electionem concedimus et cum nostro consensu secundum regulam Sancti Benedicti et cum uoluntate eorum qui sanioris consilii fuerint si etiam parua pars congregationis melius elegisse probari poterit abbatem constituimus ordinari Quibus etiam ad supplementum conseruandse religionis addidimus etiam capellam Sancti Martini que consistit in uilla Guioldicortis uocata ecclesiam quoque que est in Budiciuilla ad ecclesiam Summe Vigere pertinentem Hoc sub eterna maledictione et centum decem et octo episcoporum anathemate contestando interdicentes ut nullus hominum qualibet iniqua cupiditate uel temeraria presumptione de supradictis uillis uel rebus monachorum aliquid subtrahere uel minuere et in suos usus retorquere presumat Et aduocatus eorum quem ipsi monachi cum consensu nostro elegerint nostra uice eos in omnibus adiuuet prosit et defendat ut liceat monachis quiete Deo seruire et pro nobis Domini misericordiam exorare Princeps autem in cuius comitatu consistunt pro Dei amore et remedio anime sue causas eorum libenter audiat et in quantum potuerit adiuuare festinet Concedimus etiam eisdem Dei seruis in Vico sessum unum indominicatum ad accipiendum salem cum proprio ut uulgo dicitur Stallone et furca superposita ut sine aliquo contradictore moriam licenter habeant Et locum duarum linearum capacem cum terris et cortilibus iure quieto possideant Et quia idem locus sub prouidentia nostra et antecessorum nostrorum regum uenerabiliter est habitus fundatus et ampliatus ideo nos obsecramus per Deum et petimus omnes successores nostros reges ut ex rebus a nobis concessis nichil minuant sed potius diligant augeant foueant et de rebus suis pro remedio animarum suarum eidem loco clementer impendant Vniuersas autem ecclesias in tota abbatia consistentes uel que ex prebenda uel que ex beneficio inueniri possunt Sancto Petro reddidimus et ad mensam fratrum perpetualiter easdem ecclesias teneri et possideri regia auctoritate decreuimus Si autem iniqua quelibet persona aliquam ex his abstulerit regis qui tunc temporis fuerit adeant presentiam iustitiam expetentes Quam si non inuenerint liceat eis Romanum interpellare apostolicum ad peruasores anathematis uinculo innodandos ut cessent a rebus ecclesia quas iniuste rapuerunt Vt autem hoc nostre auctoritatis decretum per succedentia tempora inuiolabiliter conseruetur inlesum manu nostra omniumque tam episcoporum quam fidelium nostrorum subter censuimus confirmandum Signum Karoli gloriosissimi regis Gislebertus notarius ad uicem Ludouici recognouit Data viiii kalendas Februarii indictione ii in anno xviii regnante Karolo gloriosissimo rege Actum Carisiaco palatio regis in Dei nomine feliciter Amen