Charter Document - 05940015
| Charter Number: | 05940015 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0851 |
| Date type: | Internal, Regnal |
| Resource Link(s): |
|
Charter:
Ego in Dei nomine Giraudus notum fieri uolo qualiter ueniens ad monasterium Sancti Petri in Deruo constructum ubi domnus Bercharius martir preciosus in corpore quiescit tradidi ad sacrum altare quandam feminam que erat sub meo mundiburgio nomine Foedagiam a parentibus ingenuam se petente et uolente cum filiis suis Tehardo et Arnaudo et mansum unum indominicatum ex legitimo alodio suo et pratum unum ad quinque carrucatas feni in pago Ornensi in uilla que Vallis uocatur adiacentibis campis terre arabilis intra fines eiusdem Vallis ita ex omni parte exterminatis De una parte terra Sancti Remigii de alia parte terra Bosonis de alia uero parte terminatur uia publica Capellam etiam in honore Sancti Remigii consecratam ad mensam fratrum respicientem soluit in censum in festiuitate Sancti Iohannis ad mensam monachorum solidos duos Si quis uero supradictam feminam uel successionem posteritatis eius uel ea que supra memorauimus aut ui aut ingenio aut aliqua iniusta potestate adstrahere uoluerit uel abstractam tenuerit et reclamante monachorum prouocatione non reddiderit in die iudicii iram Dei omnipotentis incurrat et confusus in presenti seculo tormentis et multis cruciatibus uitam cum honore perdat et maledictionem in posteritate filiorum recipiat S Giraudi S Rotgarii S Blesini S Madelgarii S Andeloni Datum est testamentum viii idus Nouembris anno xii regnante domno nostro glorioso rege Karolo Actum publice in uillam que uocatur Riuus