Charter Document - 05940013
| Charter Number: | 05940013 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0843 |
| Date type: | Internal, Calendar, Regnal |
| Resource Link(s): |
|
Charter:
Si aliquid de facultatibus nostris ad loca sanctorum condonamus eternam procul dubio mercedem in futura retributione nos recipere confidimus Idcirco notum sit omnibus sancte Dei ecclesia fidelibus tam presentibus quam futuris quod ego in Dei nomine Adalacrus cogitans de salute mea et eterna retributione et peccatorum meorum remissione uolui aliquid conferre de rebus possessionis mee fratribus Deruensis cenobii in honore sanctorum apostolorum Petri et Pauli consecrati ubi domnus Bercharius corpore requiescit ubi etiam et ego ipse post obitum meum pie destinaui corpusculum meum sepulture tradendum Contuli autem res meas ad prefatum locum coram testibus amicis et propinquis meis sitas in comitatu Brianensi in uilla que dicitur Saura Terra hoc est mansum indominicatum cum appendiciis suis et pratum unum cum terris cultis et incultis quas ego ipse ab aliis hominibus precio comparaui uel ex paterna hereditate iure quieto a progenitoribus meis possedi tali uidelicet tenore et conditione ut absque ullius contradictione et repetitione terram illam perpetualiter possideant et quicquid exinde facere uoluerint tenendi habendi possidendi liberam in omnibus habeant facultatem sicut per presentem ancillam meam nomine Rothildem legalem uestituram et traditionem astantibus amicis meis ad altare Sancti Petri pro remedio anime mese et coniugis mee facere decreui Si quis uero aut ego ipse aut ullus de heredibus meis aut aliqua suspecta persona contra hanc donationem uenire uoluerit quod absit aut eam quolibet modo infringere temptauerit in primitus iram Dei omnipotentis incurrat et excommunicatus a consortio Christianorum cum Dathan et Abiron penas inferni sustineat insuper et fisco regio auri libras centum coactus exsoluat et quod repetit euindicare non ualeat sed hec presens traditio stabilis et firma permaneat cunstipulatione subnixa Signum Adalacri qui hanc cartam fieri rogauit firmauit et corroborauit S Rohenci S Gislefridi S Riuueri S Maddeurerti S Bouonis S Archenoldi Ego Rotfridus cancellarius scripsi et subscripsi Data ii nonas Iulii anno iiii regnante domno Karolo rege feliciter Actum Deruo monasterio publice