Charter Document - 05940010
| Charter Number: | 05940010 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0828 |
| Date type: | Internal, Calendar, Regnal |
| Resource Link(s): |
|
Charter:
Domino Deo sacrosancta basilica Sancti Petri et Sancti Pauli est monasterium in Deruo constructum quem domnus Bercharius construxit in pago Pertense super fluuium Vigere et Alsmantia ubi Haudo abbas et sui monachi desseruiunt Ego in Dei nomine Harduinus presbiter cogitaui de Dei timore intuitus ad aliquid de peccatis meis minuendis Propterea dono ad monasterium Sancti Petri et Sancti Pauli res meas quas habeo in pago Barrense et finis Lacgea et in ipsa uilla et in fine Marimega et in fine Vuerea hoc est mansis et super ipsis mansis casis campis pratis pascuis siluis aquis aquarumue decursibus tam de propriis quam de comparatis uel de qualicumque causa uel ingenio ad me legibus peruenit omnes res meas quecumque sunt sicut superius diximus totum ad integrum ad ipsum monasterium Sanctorum Petri et Pauli Deruense uel Haudoni abbati dono trado transfundo ita ut ab hac die ipse Haudo abbas uel agentes in ipso monasterio qui ibidem deseruiunt de ipsis rebus sicut facere uolunt uel dominari liberam et firmissimam habeant in Dei nomine potestatem ad faciendum nullo contradicente Si quis uero de heredibus meis quod fieri non credo uel aliquis qualibet opposita presumptione contra testamentum istud uenire temptauerit aut etiam infringere uoluerit non liceat ei uindicare quod preripuit sed inferat una cum socio fisco ecclesia auri libram i et argenti pondera ii fisco multam sustineat Et ut testamentum istud firmum permaneat stipulatione subnixa Actum Barrense castro siue ad Maurimunt ubi leuatum est istud testamentum x kalendas Octobris anno quinto decimo regnante domno nostro et piissimo imperatore Lucdouuico S Harduini presbiteri qui testamentum istud fieri et firmari rogauit S Ernulfi germani sui S Archeri S Floutgis S Girmari S Raimfridi S Fluderig S Bertulfi S Elbrant S Girouum S Vfonis S Eldeuualt S Riculfi S Rogeri S Gautfin S Arieri S Emonis S Floteri S Teudalt S Raimhardi presbiteri qui hec scripsit Ego Harduinus presbiter cum tribus heredibus meis subscripsi