Charter Document - 05940008
| Charter Number: | 05940008 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0760 |
| Date type: | Internal, Calendar, Regnal |
| Resource Link(s): |
|
Charter:
In nomine sancte et indiuidue trinitatis Ego in Dei nomine Erlesenna cogitaui de Dei timore et de eterna retributione et pro peccatis meis minuendis ut me pius Dominus de secunda morte liberare dignetur dono et trado res meas quas habeo in pago Blesensi in uilla Brachei ad Sanctum Petrum Deruensis ecclesia ubi Sanctus Bercharius recubat id est ecclesia in honore Sancti Petri ipsius apostoli et quicquid habeo in ipsa uilla uel in fines ipsas Raschisoli et Goldrisei et in finem Aurisi campis siluis pratis aquis aquarumue decursibus totum ad integrum dono Sancto Petro ad ipsius ecclesiam que est in ipsa uilla Brachei Et pro remedio anime mee dono ad mensam fratrum in ipsa sollempnitate Sancti Petri que iii kalendas Iulii celebratur solidos duos et denarios nouem in censum Presbiter qui eius ecclesiam tenuerit ad mensam ante fratres persoluat ut memoriam agant pro anima mea quia corpus meum requiescet in ipso loco et ad ecclesiam ipsius loci presbiter denarios tres accipiat unde pro me memoriam agat Postea uero si ego ipsa uel aliquis de heredibus meis uel quislibet ulla emissa persona qui contra hanc traditionem uenire uel eam infringere uoluerit ut censum siue potestatem facere uoluerit in primis iram Dei incurrat et a liminibus sancte Dei ecclesia excommunicatus appareat et non ualeat euindicare quod repetit et ut Dathan et Abiron penas inferni possideant sic ipse possideat Data in die Mercurii viii kalendas Iulii nono anno regnante Pipino rege S Erlesenne qui hanc traditionem fieri et firmare rogauit S Andeloni S Alleolfi S Ledesi S Remigii S Somnassi S Golmarus rogatus scripsit