Charter Document - 05940004

Dominis sanctis et summi culminis apice pontificalis cathedre specula presidentibus in Christo fratribus seu coepiscopis Rigoberto metropolitano Basino Stephano Adalberto Aloni Madalgario episcopali cathedra presidentibus Bertoendus licet indignus in ordine tamen Cathalaunensium urbis episcopus supplex in Domino mitto salutem Quamquam prisce regule decreta nos doceant et que oportet perhenniter custodire et patrum consueta indiminute seruare ac tamen et nos super hec regulariter decernentes uota supplicum et maxime orthodoxa fide fulgentium utili prouisione tractantes eorum petitionibus libentissimo animo uolumus affectum mancipare Quoniam igitur gloriosus domnus Clodoueus rex et uir inlustris Pipinus maior domus pie religiosa sollicitudine perspicue a nobis postulasse noscuntur ut priuilegium monasterio Putiolos in uasta Derui in honore beatorum apostolorum Petri et Pauli et Sancti Iohannis Baptiste et Sancti Iohannis euangeliste seu et omnium sanctorum a uiro religiosissimo Sancto Berchario ubi et ipse abbas preesse uidetur ex munificentia quondam Childerici regis constructo seu et alio monasterio puellarum super fluuium Vigore etiam et Drea in Deruo in finem Flaciniacinsem quod Vuaimerus et coniunx sua Vualtildis et domnus Bercharius abbas pariter construxerunt in quo loco Deo sacrata Vualtildis mater esse uidetur multarum uirginum presenti tempore et se cum eis multimode aggregationis agminibus pie deuotionis paribus studiis sociauerunt in Dei laudibus uno regule spiritu superna inspiratione commota ad laudes omnipotenti Deo concinnandas pium exibet famulatum conferre deberemus Quod salubriter annuentes hoc priuilegium quod plena deuotione petierunt perhenni auctoritate seruandum libenti animo prestitisse comperite Nec enim noua postulantium uel indulgentium est auctoritas priuilegii largiendi dum profecto cuncti retro apostolice sedis presules unde sacra propagatur auctoritas non solum in uicinis prouinciis constitutis sed etiam in ceteris longe regionibus procul sitis postulata semper indulgenda sanxerunt Vnde obsecro domnos successores ecclesia prenotate pontifices satis superque per omnipotentiam trinitatis inmense patris et filii et spiritus sancti obtestare immo coniurare presume ut commendem prenominatum monasterium piis mentibus iubeant diligere iubeant fouere iubeant continere iubeant conseruare Et ne succidua fraternitas sacerdotum hoc nos in his regionibus proprias deliberationis instinctu aut noua inuentione estimet decreta fuisse cum sub huius constitutionis norma sanctorum Agaunensium locus immoque et monasterium Lirinense seu et monasterium Luxouiense multaque alia monasteria necnon et basilica domni Marcelli et innumera in orientis partibus monasteria propriis ex decreto pontificum seruantur priuilegiis Ergo uno conspirationis consensu Dei intuitu antedictorum patrum religionem pensantes ita ab omnibus decretum est ut nullam dominationem nos successoresque nostri in superscripta monasteria uirorum seu puellarum uirginum ubi sunt congregati quod pro salute animarum suarum predictus uir Bercharius et Vuaimerus seu et coniunx sua Vualtildis una pariter construxisse noscuntur habeamus quatinus eis liberius liceat Deo iuuante sine impedimento rei alicuius contemplatiuam uiuere uitam Et cum pater monasterii fuerit de seculo euocatus quem unanimiter omnis congregatio ipsorum seruorum Dei undecumque sibi optime secundum regulam compertam elegerint seniorem sibi abbatemque constituant Seu et cum mater uirginum de seculo fuerit euocata quam unanimiter omnis congregatio ipsarum ancillarum Christi undecumque sibi optime secundum regulam compertam elegerint sibi seniorem matrem una cum consilio monachorum Deruensium fratrum abbatissam instituant Et si eis oportunum fuerit abbatem benedicendi aut crisma consecrandi uel sacros ordines percipiendi hoc tantummodo nobis propter canonicam institutionem et preiudicium ecclesia nostre absque ullo motu reseruamus Ceterum uero ut superius continetur nullam potestatem aut dominationem neque nos uel archidiaconus successoresque nostri uel quelibet persona habere non debeat aut quamcumque de eodem monasterio uel cellulis eius sed et parochiis aut ceteris monasteriis causam audeat presumere uel auferre Et si aliquid ipsa congregatio de earum religione tepide egerint secundum regulam Sancti Benedicti uel domni Columbani ab earum abbate uel abbatissa qui pro tempore spiritalis pater uel mater extiterint corrigantur Nam nullum pontificium neque a nobis neque a successoribus nostris in eodem monasterio pro causa cupiditatis aut quod absit auaritie habeatur sed proprio in Dei nomine fruantur priuilegio De rebus namque a prefatis constructoribus eiusdem sancti monasterii pro sustentatione predictorum sanctorum monachorum seu puellarum uirginum uictum quoque ac uestitum conlatum seu a ceteris Deum timentibus personis in antea conlaturis uel a regia potestate fuerit concessum nichil ex hoc neque pro pontificum nec quarumlibet personarum causa distrahendi minuendiue potestas omnimodo non habeatur nisi in matribus uel patribus eiusdem monasterii suisque prepositis gubernandi regendi dispensandique arbitrio seu dispensatione consistat Ideo quoque prestitimus priuilegium quia nichil de canonica auctoritate conuellitur quicquid domesticis fidei et maxime contemplatiuam uitam ducentibus pro quiete tranquillitatis tribuitur Quod si quis calliditate aut cupiditate preuentus ausus fuerit ea que sunt superius comprehensa temerario spiritu uiolare a diuina ultione prostratus reatum anathematis subiaceat ueniatque super eum lepra Naaman Siri excommunicatusque a sancta efficiatur ecclesia catholica et nichilominus hoc priuilegium perpetuis temporibus maneat incorruptum Que constitutio nostra ut firmis subsistat uigoribus manus nostre subscriptionibus est roborata Et ut plenius confirmetur ceteris fratribus et coepiscopis qui ad presens non fuerunt destinauimus insuper roborandam Actum Remis publice datam quem fecit mensis Februarius die decimo quinto anno secundo gloriosi domni nostri Clodouei regis