Charter Document - 05940002
| Charter Number: | 05940002 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Royal |
| Charter Type(s): | Privilege |
| Date: | 0685 |
| Date type: | Internal, Calendar, Regnal |
| Resource Link(s): |
|
Charter:
Domini misericordiam deprecari Ideoque uenerabilis uir Bercharius abba de monasterio Putiolos quod bone memorie germanus noster Childericus quondam rex ob amorem Dei in foreste Deruo et fine Vuasciacinse supra fluuium Vigore in honore beati Petri et Pauli uel ceterorum sanctorum Domino cognoscitur edificasse clementie regni nostri suggessit eo quod ipse princeps integram em unitatem ad ipsum monasterium fecisset Vnde et ipsam em unitatem nobis in presenti protulit relegendam sed pro rei totius firmitate petiit celsitudinem nostram ut hoc circa ipsum monasterium confirmare deberemus Cuius petitionem non abnegasse sed in omnibus prestitisse cognoscite Et ideo iubemus ut de omni facultate ipsius monasterii tam quod ipse princeps ibidem noscitur delegasse quam etiam quod a reliquis Christianis hominibus noscitur fuisse condonatum quodque ad presens in quibuslibet locis ac territoriis et ex eius hereditate uel studio tam ultra Ligerim in Herla scilicet et Saturiaco uel Domnofronte cum appenditiis suis et Diseio cum appenditiis suis quam etiam citra Ligerim possidere uidentur seu quod ibidem adhuc inantea in Dei nomine a Christianis hominibus iuste et rationabiliter fuerit additum uel condonatum pro quiete ipsius regni nostri integram em unitatem pro reuerentia ipsius sancti loci concedimus ut nullus iudex publicus quolibet modo iudiciaria accinctus potestate in curtes ipsius monasterii ubicumque ad presens eorum maneat possessio uel dominatio aut quod inantea fuerat additum uel condonatum nec ad causas audiendum nec fideiussores tollendum nec freda exigendum nec mansiones faciendum nec rotaticum infra urbes uel in mercatis extorquendum nec ullas paratas aut quaslibet redhibitiones exactare presumatur sed in omni facultate ipsius monasterii ut prefatum est in omnibus locis et territoriis ubi aliquid possidere uidentur et dominari absque interdictu iudicum remotis et resecatis omnibus petitionibus de partibus fisci usque super ripam fluuioli Magnentis progrediente in directum termino ad locum qui Vallis Profunda nuncupatur sub em unitatis nomine inconcusse tam nostris quam futuris temporibus ualeant dominari uel possidere Quo fiat ut et nos pro prestito beneficio mercedem optineamus et ipsos seruos Dei in ipso monasterio consistentes melius delectet pro stabilitate regni nostri adtentius Domini misericordiam deprecari Et ut hec emunitas firmior habeatur et per tempora conseruetur manus nostre subscriptionibus eam decreuimus corroborari Data x kal Iunii Anno decimo regni eius Actum Compendio palatio