Charter Document - 05930058

In honore Christi Flauiniaco castro in pago Alinsinse constructo in Dei nomine Vuidradus abba Antiqua legum auctoritas et principum decreta sanxerunt ut unusquisque dum manet in corpore de propria quam possidet facultatem uoluntatem suam litteris inserat ut perhennis temporibus inuiolata permaneat Quapropter dum non habetur incognitum qualiter ego Vuidradus in Dei nomine abba una cum consensu uel uoluntate Galliarum pontificis in re mea propria iam dicto loco Flauiniaco castro in agro Burniacense quem ex successione parentum meorum michi euenit in amore Christi et in honore Sancti Preiecti uel ceterorum sanctorum meo opere monasterium construxi donamus uero et donatumque in perpetuum esse uolemus ad iam nominati monasterii Sancti Preiecti uel ad abbati Magoaldo qui ibidem sancto ordine Deo auxiliante gubernari faciet et suos monachos ibi instituat ut pro eius ordinatione ipse sanctus ordo perpetualiter sit institutus et conseruatus Flauiniaco castro ubi ipse monasterius est constructus cum ipso agro Burnacinse cum omnis adiacioniis uel appendiciis earum ad integrum Similiter donamus curte qui uocatur Cadoniaco qui fuit de dono que domnus Theudericus rex genitore meo concessit et Gysciaco quem de Angoleno comparaui Et donamus curte qui uocatur Darciaco et alia loca Anciaco et Agoniaco uel Pruiniaco et Luguniaco potestate Sancti Agolini uillare etiam Similiter in pago Ternodrinse curte qui uocatur Blaciaco et Marcomania In pago Duismense Audrate Montecellis In pago Aualense Cassaniola et Cappas uel Deganciaco et Cassiaco una cum ipso oratorio que meo opere construxi et Palatiolo seu Gouilis et Prumanis uel Ancone Dono etiam Aglias Balderias In pago Belnisse Sineuineas et Matroneto In pago Attoariorum Flexo et Blandoneco In pago Amaorum Macerias et Fraxino seu Cariniaco et Casellas et in Grausone uel Salinas portionem nostram quicquid ibidem abemus uel legibus nobis redebetur Ista omnia que superius quantumcumque ibidem pro quolibet atracto tenemus totum et ad integrum cum omne suprapositum in nostro scilicet priori testamento a die presente in honore Sancti Preiecti pro remedium anime mee uel eterna salute dedimus cum domibus edificiis mancipiis acolabiis libertis uineis siluis campis pratis pascuis aquis aquarumque decursibus omne genus pecorum libros strumenta cartarum ministeria uel uestimenta ecclesie mobilibus et immobilibus omnem rem inexquisitam quicquid dici uel nominare inibidem potest totum et ad integrum ad suprascripto Flauiniaco monasterio uel iam dicto abbati cum monachis suis perpetualiter protegente Domnino tradidimus ad possidendum Et donamus arias infra Eduam ciuitate quantumcumque ibidem nobis legibus redebetur Et dum omnes presules et nobiles personas cumprouincialibus nostri cognitum quod ego Vuidradus in mea re propria iam nominato monasterio edificato et cenobiolo sancto ibidem propter Deum instituto et quicquid exinde facere uolo presente tempore in omnibus michi libera manet potestas Et dum ego per alia strumenta ad monasterium Sancti Andochii uel Sancte Regine martiris uel per alias ecclesias de res meas proprias delegaui propterea presentem paginam cum consensu supramemoratos pontifices constituo ut nullus episcopus ullius ciuitatis aut archidiaconi uel quilibet ex clero aut actores ecclesie nullum ibidem presumant exercere dominatum non ad mansionicaticos aut repasticos exigendo nec ad ministeria describendo nec ad abbatem mittendo Si uero necesse fuerit chrisma petere tabulas aut altaria consecrare sacros ordines benedici abba uel monachi ibi consistentes a quocumque de sanctis episcopis sibi elegerint qui hoc facere debeat licentia sit eis expetere et illi hoc benedicere uel consecrare Si uero caritate exigente pontifex quilibet ab abbate loci illius ibi fuerit inuitatus simpliciter que ei a fratribus offeruntur accipiat nulla exenia uel munoscula amplius eis querat neque de omnibus rebus ipsius monasterii nullam habeat potestatem Quod si pontifex uel aliquis quislibet ex ecclesiasticis ministris uel aliqua emissa persona contra ipso abbate uel eius congregatione de suprascriptis ordinis et per qualecumque strumentum aut qualiscumque modo ad ipsa casa fuit uel in antea fuerit delegatum addetum committatum uel concessum uel quicquid ad ipso monasterio uel eorum homines pertinet aliquid calumniare aut inquietare uel per colibet ingenuo minuare temptauerit nec hoc ualeat uindicare et insuper illas res que ad ecclesias uel ad monasteria in eorum parrochias per alia strumenta uel testamenta nostra delegauimus ipsas res perdant et abba uel actores supradicti monasterii Sancti Preiecti ipsas res sine ullius contradictione aut consignatione ad suam faciant reuocare dominationem perpetualiter ad possidendum Cum uero abbas ipsius sancti loci acceperit transitum quemcumque de semetipsi monachi ibi habitantes secundum Deum et regulam Sancti Benedicti meliorem inuenerint ipsum abbatem ibi constituant Quod si ibi de se ipsis talem non inuenerint communi consilio illi sanctiores monachi aliunde regulare abbate qui eos secundum regula Sancti Benedicti regat eligendum in eorum maneat potestatem Quod uero Deus auertat ne ibidem ordo sanctus tepiscat et ipse abba emendare hoc prevalet aut neglegit uel ipsi monachi hoc noluerint tunc qui ex ipsis recto ordine secundum regulam ibi uoluerint uiuere ubicumque in proximis monasteriis rectius et sanctius secundum regula Sancti Benedicti inuenerint potestatem habeant expetire et per eorum consilium salubri ipsum sanctum ordinem regulariter emendare Precor igitur glorioso domno quem temporibus modernis et futuris succedentibus Dei regnum Burgundie gubernare permiserit et per Dei tremendum iudicium adiurare presumo ut presentem paginam uel facta mea ex iam dicto cenobiolo meo sua fortitudo contra omnem aduersitatem pro mercede sua uel regni sui stabilitati post Deum iubeat defensare atque solidum in omnibus custodire ut nullatenus ab infestatione malorum hominum possit inrumpi et delectet abbati et sacerdotibus uel monachis ibidem conuersantibus pro uita ipsius et filiorum eius uel exercitui eius et omni populo catholico quieto ordine Domnum supplicare Si quis uero quod futurum esse non credo si ego ipse aut aliquis heredum ac proheredum meorum uel quelibet ex opposita persona presentem paginam uel facta mea quem ego deuoto animo et bona uoluntate pro eterna retributione feci et firmare rogaui per alio anteriore uel posteriore strumento uel pro qualibet modo aut ingenio infrangere conauerit Deum uel temptare presumpserit in primis usque dum ad ueram emendationem proinde corrigatur Deum et sanctis suis habeat contrarios et a liminibus ecclesiarum efficiatur extraneus et si de rebus meis aliquid habet condonatum ipsas ammittat et ad pastibus suprascripti monasterii Sancti Preiecti reuertantur et insuper inferat ei cui pulsauerat una cum socio fisco auri libras triginta coactus exsoluat et quod repetit non uindicet et nichilominus presens paginam omni tempore firma permaneat stipulatione subnixa quam manu mea subter firmaui et bonorum hominum signis uel allegationibus tradidi roborandam Actum Augustidunum ciuitatem publice anno quarto regnum domini nostri Chilperici regis die sabbato proximo ante kalendas Iunias In Christi nomine Vuidradus abba hanc donationem a me factam cum bona uoluntate relegi et subscripsi In Christi nomine Moderannus Christi dono uocatus episcopus consensi In Christi nomine Chebroaldus quamuis peccator episcopus subscripsi Ridelenus in Dei nomine donatus episcopus subscripsi In Cristi nomine Gauderannus etsi peccator abba subscripsi In Christi nomine Erimbertus archidiaconus subscripsi Nordebertus subscripsi Giso subscripsi Ego Vosoleno subdiaconus hanc epistolam a suprascripto patre rogatus stipulaui et subscripsi et notaui die sabbato a proximo ante kalendas Iunii in anno iiii regni domni Chilperici regis