Charter Document - 05930055

Charter Document - 05930055


Charter Number: 05930055
Cartulary Title: The Cartulary of Flavigny, 717-1113
Charter Language: Latin
Charter Origin: Religious
Charter Type(s): Union
Date: 0894
Date type: Internal, A.D., Regnal
Resource Link(s):

Charter:

Anno uerbi incamati DCCCXCIIII eodemque serenissimi Odonis regnantis primo et septimo operante officio karitatis inita est obnixius fratema quedam bonisque omnibus ut credimus accepta societas inter religiosos uiros domnum scilicet Gregorium beatissimi Martini Augustudunensis coenobii abbatem itemque principis apostolorum Petri Girfredum Flauiniacensis monasterii prelatum ex utraque parte inibi Deo famulantibus assensum prebentibus Quam insolubiliter perpetuo conseruandamque dies singulos firmitatis augmenta capturam litterarum quoque monumentis tradere utriusque partis constat prouisione decretum ut res salubriter perpetrata ad post futuros successiones non relatu solum uerum et scripto transmissa decurrat Pacti inter eos foederis hec ratio est ut quicquid instantie laboris studiique salutaris pars queque pro suis uiuentibus uel defunctis insumis id quoque pari deuotione pro fratribus hac sibi societate de uinctis exerceat absque imminucione retractatione interpolatione Quid sepe illud quantumue sit quod agendum decernitur ut cuiusque absque dubietate constet nouerit nos fratres coenobii almi Petri principis apostolorum in decessu cuiusque fratrum nostrorum e corpore per tringinta dies uespertinas nocturnas et matutinas agendas generaliter celebrare ita ut tercio septimo et tricesimo die ex more id fiat solempniter Missam quoque pro defunctis per dies prefatos cum oblationibus quotidie canimus Inter hec etiam anime pro salute illius duo canuntur ab omnibus psalteria ceterum in his predictis diebus omni pacto officio psalmum pro eo canimus centesimum uicesimum nonum flexo genu Hoc igitur pro recentibus Primo anni recursu uigiliam et missam celebramus Exinde reliquis anniuersariis psalmos duodecim canimus in kalendis omnium mensium pro uniuersis defunctis nostre congregationis uigiliam et missam cum oblatione uotorum explemus Hec usu robustissimo retinentes ut pro nostris ita pro uestris quoque in reliquum annuentes Deo exercere curabimus huius uicem officii a uestra karitate instantus reposcentes Vtque hec honesta et a Deo ut credimus inspirata fraternitas non presentibus solum sed et posteris uberius innotescat oramus ut in die festiuitatis sacratissimi Martini confessoris Christi huius scripti continentia in sacri conuentus uestri presentia per annos singulos recitetur Demum almificam dilectionem uestram petimus ut siquis libet nostrorum uicio suo lapsus abiectusue fuerit a uobis recipatur nec aliorsum eat quousque satisfactione acta spreto uitio aut recipiatur aut certe iudicio uestro quid agendum sit decernatur Hoc etiam de nostris exposcimus et ut hec rata permaneant manibus propriis subter signabimus Girfredus manu scripsit SS Heldigarius SS Girbertus SS Gauzarius SS Beringarius