Charter Document - 05930053
| Charter Number: | 05930053 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0872 |
| Date type: | Internal, Calendar, Regnal |
| Resource Link(s): |
|
Charter:
Largiente gratia Dei et saluatoris nostri Iesu Christi Sigardus humilis abba Dum cognitum est a bonis hominibus quod domnus senior noster piissimus et potentissimus rex Carolus Flauiniacum abbatiam in honore Sancti Petri Sanctique Preiecti constructam et consecratam michi concesserit ad regendum ubi ego adueniens instrumenta cartarum de rebus omnibus eiusdem loci ante nostram presentiam uenire iussi et inueni omnes res per maxime ecclesie que in eodem monasterio predicti martiris Christi gloriosissimi constructum est ab antiquis traditus fuisse cuius reuerentissimum corpus monachi eiusdem loci cum magno ingenio et sagacitate adquirentes in eodem cenobio collocauerunt perpetualiter permansurum ob cuius honorem et domni senioris mei memoriam et pro remedio anime mee donare decreui ad luminaria iamdicti martiris augenda decreui aliquid de terra ut die noctuque ante illius sepulcrum ardeat lucerna et quicquid ex eadem de terra et uinea exire debent thesaurarius ipsius ecclesie semper accipiat Dono itaque ad predictam casam Dei ad luminaria ipsius augenda in Villare uilla masellum i unde exiebant antea denarios iiii quem Vnaldus et coniux sua ad luminaria Sancti Petri et Sancti Preiecti dederunt et alium masellum in uilla Dariaco quem Ansbertus et coniux sua dederunt unde exiebat antea libra i de cera Petimus autem et testifficamur omnes successores nostros ut ista nostra statuta inuiolabiliter custodiri permittant Sigardus gratia Dei abbas In Dei nomine Ragingus prepositus subscribens consensi et consentiens subscripsi Signum Bodonis monachi Ego in Dei nomine Gauzharius monachus scripsi mense Februarii viii kalendas eiusdem mensis anno xxxii regnante domno nostro Karolo rege