Charter Document - 05930049

In nomine Domini nostri Iesu Christi Ego Helmuinus Dei permittente clementia Eduensium episcopus Cum post sancte recordationis domnum Gualterium pontificem res ecclesie fluitantes sacerdotali procuratione pro posse regerem adiit mansuetudinis nostre presentiam uenerabilis abbas Flauiniacensis Amadeus ostendens in ecclesie sue scriptis qualiter Corbiniacense cenobium monasterio Flauiniacensi iure esset antiquitatis subiectum et ab eisdem qui ipsam ecclesiam suis patrimoniis a principio ditauerant lege perpetua subiugatum Et quia Corbiniacus a predicto capite tunc temporis et longe ante defecerat et in sui se status constantiam insolentia ductus erexerat quia etiam abbas qui eum qualitercumque rexerat paucis ante diebus obierat accepta opportuni temporis occasione nostram clementiam deprecatus est ut uetustatis antique statutis nostre preberemus corroborationis assensum quo auferri de medio posset quod irrepserat auaritia duce discidium Nos uero ad eius petitionem nullius temeritatis leuitate inducti e sancte ecclesie nostre scriniis regum precepta Romanorumque pontificum proferri iussimus priuilegia in quibus tanta eiusdem rei inuenta est consonantia ut id differre nefas duceret communis omnium sententia Exigebat etiam hoc per omnia maxima necessitas et si deesset paterne traditionis auctoritas Regularis etenim ordinis rigore laxato monachi Corbiniacenses communia bona in proprios usus transfuderant et generalis stipendii summa in particulas diuisa grauem loco et infamem pauperiem induxerant Patrum ergo ueterum decretis suffultus presenti necessitati consului et cleri nostri militie et plebis consultu predicti abbatis precibus aurem accommodaui Do igitur quia nunc non habebat reddo quia olim habuerat Corbiniacum Flauiniacensi monasterio ita ut presens et tempus in omne futurus Flauiniacensis abbas iam dictam abbatiam sicut ceteras res sue ecclesie digerat ordinet et disponat nullius contradictionis turbatus inpulsu nullius calumniatoris incursu Quia ergo deditionem et quod rectius est redditionem fecimus scripti huius notitiam testem adhiberi decreuimus ut et in futuro emergentis malitie machinamenta conterat et totius blasphemie argumenta refellat Que etiam ut pleniorem obtineat firmitatis uigorem manu eam propria firmauimus nostrorumque clericorum abbatum ac primatum subscriptione roborari insignirique rogauimus Actum Augustiduno ciuitate Helmuini episcopi Vuidonis abbatis Rodulfi Rotberti Vualterii cardinalis archidiaconi Hileranni Gausfredi abbatis et archidiaconi Brunonis precentoris Vualeriani archidiaconi Guidonis abbatis Hugonis prepositi Vualterii Ramaldi Gyrberti Aganonis abbatis et prepositi Rodulfi SS Hileranni SS Rotberti Odulgerii Girardi Vualterii Hugonis Rainaldi Seuuini Lamberti Bertranni Rotberti Attonis Hynogonis Fulconis Achadei Landrici Aganonis Aduuuini Odilonis abbatis Cluniensis Girardi Odonis abbatis Autissioderensis Vualterii Hugonis episcopi Autissioderensis Hugonis Neruernensis Osaldi abbatis Sancti Martini Hec sunt nomina canonicorum Sancti Nazari que exarta sunt Ego Bernardus scripsi uice Rainaldi cancellarii anno uerbi incarnati MXXXIIII Aeynrici uero regis anno v