Charter Document - 05930047
| Charter Number: | 05930047 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1018 |
| Date type: | Internal, Regnal |
| Resource Link(s): |
|
Charter:
Omnibus sub Cristianitatis iugo uiuentibus tam prestantissimis personis quam infimis presentibus et futuris fieri pro certo esse cupimus qualiter quidam uir nomine Azilinus reminiscens humane casus fragilitatis et discrimen eterni suplicii et eorum societatem qui Domino placuerunt adipisci nisibus uniuersis cupiens dedit monachis coenobii ethereioi ianitoris Petri ac martirris gloriosi Preiecti Flauiniacensis iure perpetuo partem quandam rerum suarum unum scilicet mansum in comitatu Alsinsi apud uillam que dicitur Altarupis cum duabus uineis casamque indominicatam iuxta ecclesiam Sancti Albini sitam et unum molendinum subtus eadem uilla non longe stabilitum cum uniuersis eorum appendiciis quorum terminationem signat uia publica ex duabus partibus alieque due cinguntur terra ipsius sancti Hanc uero scripturam eo fieri monuit ne quis hominum propinquus uidelicet aut exterus prereptor umquam temerarius in largitis a se Deo eiusque fidelibus donis esse presumat seruetur autem et permaneat in alimoniam monachorum prefati loci in secula Actum Flauiniaco anno regnante rege Rotberto xxx Azilinus Fulcherius Frodo Adto