Charter Document - 05930037
| Charter Number: | 05930037 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1000 |
| Date type: | Internal, Regnal |
| Resource Link(s): |
|
Charter:
Oportunum uisum est priscis patribus digitis scriptorum tradere datum siquid fuerit religiosis ministris ecclesie quorum nos morem sequentes calamo adsignari omnibus Christi fidelibus cupimus quam quidam Milo nobili ortus progenie ut premium sibi adquireret celestis glorie seu pro salute anime cuiusdam nepotis sui nomine Aymonis Pilo apud castrum Grinionem interempti dedit Sancto Petro et Sancto Preiecto monachisque Flauiniacensibus ut iamdictus eius nepos ante suum exitum eisdem loco sue sepulture donatione qua potuit donauerat Aymone conlaudante comite quemdam alodum coniacentem in comitatu Belnensi mansum scilicet unum indominicatum in uilla nuncupante Montelia quem mater sua Alquidis nomine dedit filie sue Eldesnodi in die desponsationis sue et quicquid ad mansum ipsum pertinet et in uilla que dicitur Tridia unum masellum et unum pratum et omnem terram ad eum pertinentem Hunc uero confirmationis testamentum isdem Milo sub suo nomine fieri petiit atque ad corroborandum ceteris inibi titulatis tradidit decreuitque ut siquis fratribus prescripti coenobii calumniare presumpserit quicquam ex his nichil euindicet sed insuper coactus xii exsoluat libras argenti et si non resipuerit eternaliter pereat districto iudicio Dei Actum Flauiniaco castro publice anno xiii regnante rege Rotberto Aymone scribente monacho atque priore ipso Milone poscente mense Augusto his stipulantibus Aymo comes Alsinsis eius consanguineus Ilerannus Vualo Aldo item Aldo Hugo Rodulfus Milo Gausfredus Ingelbertus Hugo clericus Arnulfus item Gausfredus Odolgarius