Charter Document - 05930034
| Charter Number: | 05930034 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0999 |
| Date type: | Internal, Calendar, Regnal |
| Resource Link(s): |
|
Charter:
Deo ualde acceptabile et carum esse dinoscitur ut de terrenis adquiramus celestia et de transitoriis sine fine mansura Idcirco ego Vuilerardus de salute mea et remedio anime mee que sunt site res proprietatis mee in Alsensi comitatu in uilla Madriniaco dono Sancto Petro apostolorum principi et Sancto martiri Preiecto Flauiniacensis coenobii Donatumque in perpetuum esse uolo et de meo iure in illorum potestate et dominio transfundo et per cultellum et andelaginem donationem istam facio uidelicet mansum i cum omnibus que ad ipsum mansum pertinere uidentur terris scilicet cultis et incultis uineis pratis aquis aquarumque decursibus sub tali decreto et tenore ut quandiu uixero ipsum alodum teneam usufructuario Post mortem uero si sine filio uxoris decessero totum ex integro cum omni inmelioratione ad ipsum locum remaneat absque aliquo parentum aut propinquorum meorum successore uel herede uxore et fratre uidelicet sorore nepote aut aliquo michi qualibet propinquitate coniuncto Quod si filium ex propria coniuge habuero ipse si mihi ei donare placuerit in uita sua predicti alodi medietatem teneat ac post mortem in perpetuo ad pretaxatum redeat locum Quod siquis quod nullatenus fieri credo huic donationi mee contradixerit non ualeat euindicare quod repetit sed cum Iuda Domini traditore perpetua feriatur maledictione si ab hac iniusta infestatione non resipuerit stipulatione subnixa Actum Flauiniaco anno xii regnante rege Rotberto Rodulfo monacho scribente iii nonas Nouembris