Charter Document - 05930032
| Charter Number: | 05930032 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1001 |
| Date type: | Internal, Regnal |
| Resource Link(s): |
|
Charter:
Ea que ad posteritatis memoriam inuiolata peruenire cupimus ne alicuius falsitatis astu possint ullatenus uiolari ratum censemus litterarum tradere annotationi Itaque cunctis innotescere cupimus sancte matris ecclesie cultoribus tam presentibus quam absentibus quamque etiam succedentium etatum posteritatibus qualiter quidam nobilis uassallus Gyslebertus nomine et uxor eius Addila uenientes ante obtutus domni Heldrici abbatis monasterii Flauiniacensis cunctorumque fratrum dederunt Deo et Sancto Petro Sanctoque martiri Preiecto pro suarum salute et remedio animarum alodum suum quem habere uidebantur in Massingiaco uilla et quid e patema et auita hereditate illis prouenit cum omnibus ad ipsum alodum pertinentibus terris scilicet cultis et incultis siluis uineis pratis pascuis aquis aquarumue decursibus exitibus et regressibus eo iure ut quousque uixerint ipsi eum teneant et possideant Et cuicumque horum duorum obitus primus euenerit senioris scilicet aut coniugis iamdicti medietas allodi ad prelibatum remaneat locum cum medietate omnium bonorum suorum Post mortem uero amborum cum omni melioratione totum ex integro cum omnibus ad predictum redeat coenobium Vt uero hec cessio omni tempore inconuulsa permaneat hanc donationis sue authoritatem fieri rogauerunt et manibus propriis firmauerunt et parentum uel fidelium suorum manibus firmandam tradiderunt Actum Flauiniaco publice scriptumque a Rodulfo monacho anno xiiii regnante rege Rotberto