Charter Document - 05930031
| Charter Number: | 05930031 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0992 - 1009 |
| Date type: | Assigned |
| Resource Link(s): |
|
Charter:
Si peruersorum hominum iure obstruatur altercatio et uerax humilium comprobetur ratio propalare libet tam presentibus quam absentibus quoniam quidam miles nomine Hugo uxorque eius nomine Regina adierunt presentiam domni Heldrici abbatis omnisque caterue Flauiniacensis coenobii poscentes illorum clementiam concedere sibi et tribus filiis eorum Raginerio scilicet Arenberto atque Heldierio mansum unum coniacentem in comitatu Dusmensi uel in uilla que dicitur Belrubrius quem quidam Vuarinus tenuerat cum uniuersis rebus que ad ipsum respicere cernuntur Quorum prelibatus abbas fratresque sacrati loci fauentes precatui ut cupiere concesserunt ea uidelicet ratione ut dum sub hac luce morarentur et prenotati eorum filii tenerent ac possiderent reddendo singulis annis in censu denarios ad forum Lintiliaco xlviii Sublatos uero illos ab hac uita Dei iudicio sine cuiusque hominis hesitatione redeat pretaxatus mansus et cuncta ad eum pertinentia ad casam Sancti Petri Sanctique martiris Preiecti iam dicti Flauiniacensis coenobii