Charter Document - 05930029
| Charter Number: | 05930029 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1002 |
| Date type: | Internal, Calendar, Regnal |
| Resource Link(s): |
|
Charter:
Notitia qualiter Landricus comes gloriose memorie supplicante domno Heldrico abbate cuncto etiam coetu Flauiniacensium monachorum alodum quoddam quod uocatur Corbeton quod olim Vuilencus qui uocitatus est Pilansporcum Flauiniacensi contulerat coenobio quod noscitur dicatum in honore principis apostolorum Petri Sanctique martiris Preiecti quodque ipse domni Vualterii pontificis largitione necnon et predicti coenobii fratrum dudum tenuerat ob remedium anime sue diuinamque sibi repropitiandam clementiam seu etiam ob elemosinam animarum genitorum fratrum filiorum et omnium propinquorum suorum iam dicto reddidit loco Et ut ipsi fratres pro eo perpetualiter Domini misericordiam exorare non omittant quatinus hic et in futuro ab omnibus malis erutus atque ab eterne mortis discrimine liberatus sanctorum iungatur coetibus Proinde huius rei notitiam ipso iubente immo hortante fieri placuit quatinus hec redditio ab ipso facta atque ab omnibus eius propinquis et fidelibus firmata et testifficata perpetuo maneat inconuulsa Siquis uero contra notitiam hanc aliquid aduersi agere conatus fuerit ipse uidelicet aut aliquis propinquorum uel successorum eius non ualeat euindicare quod repetit sed insuper cum Iuda proditore nisi resipuerit eterno feriatur anathemate Actum Autissiodero publice Signum Landrici comitis + + Heldricus miles Bodo filius eius Magemfredus Landricus filius eius Gotesmannus + Richardi militis Milo Aluualo miles Rotbertus Iterius miles Vualterius Scriptum manu Guillelmi Sancti Germani monachi iussu Landrici comitis regnante anno vii rege Rotberto v kalendas mensis Augusti