Charter Document - 05930027
| Charter Number: | 05930027 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1018 |
| Date type: | Internal, Regnal |
| Resource Link(s): |
|
Charter:
In nomine summe trinitatis et indiuidue unitatis Ego Rotbertus gratia et benignitate redemptoris Iesu Francorum rex notum fieri uolumus industrie omnium sancte matris ecclesie tam presentis quam future etatis fidelium quod quidam Amadeus abbas Flauiniacensis coenobii in honore Beati Petri apostolorum principis almique Preiecti martiris ac presulis fundati ad nostram presentiam accesserit petens quandam capellam nostri iuris infra moenia Eduorum ciuitatis sitam et in honore Beati Iohannis euangeliste dicatam supradicto loco scilicet Flauiniaco dari que fratribus predicti loci ita erat necessaria ut ospitandi causa eis esset expetenda Cuius petitio nec uisa est refragabilis nec iniusta Si enim omnibus rationabilibus est fauendum petitionibus quanto magis illorum quorum remuneratio in die iusticie constat copiosior Vnde quam huic simile multotiens ab antecessoribus nostris frequentatum audiuimus ac factitatum libenter petitionis illius prebuimus effectum quatinus locus sepenominatus Flauiniacus uidelicet et monachi ibi degentes atque inibi diuine maiestati famulantes pretaxatam capellam in honore Sancti Iohannis euangeliste ut diximus consecratam cum omnibus que ad ipsam pertinere uidentur perpetualiter nullo inquietante deinceps possiderent Et ut firmiorem amodo tenendi haberent adstipulationem hoc scriptum inde eis fieri iussimus et sigilli nostri impressione insigniri precepimus Actum Edue anno dominice incarnationis i indictione regni uero gloriosissimi regis Rotberti xxx Vualterius Edue urbis presul Hugo Altissioderensis episcopus Balduinus Tharohennis episcopus Theodericus Aurelianis episcopus Ego Balduinus cancellarius relegi et subscripsi