Charter Document - 05930026

Sacrosancto monasterio constructo in honore Beati Petri apostolorum principis et Sancti Preiecti martiris ubi uenerabilis Vualo episcopus et abbas atque Otbertus prepositus cum norma fratrum ibidem preesse uidentur ego in Dei nomine Norduinus et uxor mea Istisburgis simul cum filio meo Vuilingo cogitauimus pro remedio animarum nostrarum et diuina retributione ut aliquid de rebus nostris ad iam dictum monasterium conferre deberemus quod et fecimus Dedimus itaque plena et integra uoluntate rectoribus prefati monasterii mansum cum supraposito in pago Alsinse in uilla Resteneso in fine Magniacense totum ad integrum quicquid mihi legitimo iure de hereditate genitorum meorum prouenit Insuper quicquid per preceptum Karoli regis adquisiui totum ad integrum donamus in usus fratrum quicquid ibi uisi sumus possidere uidelicet mansum suprascriptum cum terris edificiis uineis pratis pascuis aquis aquarumque decursibus exitibus et regressibus mobilibus et immobilibus quicquid ad ipsum mansum aspicere uidetur cedimus tradimus atque transfundimus Donamus etiam mancipia his nominibus Stephanus cum uxore sua Raginelde et filia sua Palsinna Arembaldus et uxor sua Armeldis et filius eorum Arembertus Archiuisa et filios suos duos sub eo censo ut masculi denarios quatuor femine duos de capite annis singulis simul et iornos duos nisi reditus terre teneant ut ipsum censum cadere debeat ea tamen ratione ut nec in beneficium eos dare debeant sed tantum in generales usus fratrum habere et tenere debeant nullo contradicente Donamus etiam crucem auream cum gemmis sub ea obtestatione ut quicumque uel ipsam terram cum seruientibus uel ipsam crucem alienare presumpserit offensionem Dei incurrat et eterno anathemati subiaceat Siquis uero quod futurum non credo si aut ipse aut aliquis de heredibus meis contra hanc donationem uenire aut calumniare presumpserit non ualeat euindicare quod repetit sed primo Deo et angelis eius obnoxius habeatur et demum prefato loco auri libram unam coactus exsoluat Et hec traditio plena uolumptate a nobis concessa omni tempore firma et stabilis maneat stipulatione subnixa Actum Flauiniaco monasterio siue castro publico Norduini qui hanc traditionem fieri iussit Itisburgis que concessit Vuilengi qui concessit Item Vuilingi Vuicheranni Rotfredi Gulfrocci Alberici Riculfi Deodati Ego in Dei nomine Gauzbertus ad uicem Rahingi monachi scripsi et subscripsi Actum quinto nonas Iulii indictione vi regnante Karolo rege regni autem v In nomine Domini Dei eterni et Saluatoris nostri Iesu Christi Vualo dispensante diuina miseratione humilis Aeduensis ecclesie episcopus et abbas de abbatia Beati Petri Flauiniacensis monasterii omnium sancte Dei ecclesie fidelium presentium scilicet et futurorum generalis uolumus