Charter Document - 05930017
| Charter Number: | 05930017 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1100 |
| Date type: | Internal, A.D. |
| Resource Link(s): |
|
Charter:
Notificamus posteris nostris quod quidam bone memorie Aymo Brunus miles de Grinione castello moriens dedit pro remedio anime sue et pro sui corporis sepultura Deo et sanctis Flauiniacensis ecclesie ad usum fratrum in ecclesia ilia degentium quicquid in ecclesia Marmanie in dominicatu possidebat et tertiam partem atrii et decimi ecclesie illius et unum seruum Dodonem nomine Dedit itaque hoc totum sicut ipse uiuens in suo tenuit dominicatu uidelicet quod iusticiam ecclesie et atrii illius minister monachorum faciet et de reditu iusticie tres panes faciet unam monachi habebunt reliquas duas Gotefridus et Hugo nepotes ipsius Aymonis recipient Presbiterum in ecclesia ilia monachi mittent et si dignum fuerit eicient absque calumnia utpote qui sicut dictum est iusticiam in ecclesia ilia et in atrio habere debent preter episcopalem pacem Decimator monachorum erit et monachi eum iustifficabunt per se modo suprascripto Vt autem hoc donum durabile fiat hanc cartam scribere curauit Iosbertus indignus monacus ipsius Aymonis filius rogatu et precepto patris sui et fratrum suorum laude scilicet fratrum Pontii Lecilini Gisleberti Heldierii Hugonis Aymonis et Ioannis sororumque suarum Adline Agathe et Emmiline Sed et isti testes in testimonium adfuerunt Pontius comes Pontius de Rubeomonte Hugo Gualo Gottefridus soceri ipsius Aymonis qui laudauerunt Galterius et Letbaldus frater suus Gotefridus nepos Aymonis qui laudauit Attaldus de Monte Sancti Baudelii Hugo de Brienna Hugo de Sinemuro Tetbaldus de Donnapetra Ex parte monachorum adfuerunt prepositus Hugo Drago Raginaldus Bemardus Heldebertus Constancius Actum est hoc apud Flauiniacum tempore incarnationis Domini MC anno