Charter Document - 05930014

In nomine Domini nostri Iesu Christi Dei eterni Hlotharius diuina ordinante prouidentia imperator augustus Si petitionibus seruorum Dei quas nostris auribus insinuauerint libenter annuimus et eas ad effectum perducimus non solum imperialem exercemus consuetudinem uerum etiam hoc nobis procul dubio ad eternam remunerationem rependi minimine diffidimus Ideo nouerit omnium fidelium sancte Dei ecclesie ac nostrorum tam presentium quam et futurorum industria quia monachi ex cenobio Flauiniacensi quod constructum est in honore Beati Petri principis apostolorum uel Preiecti martiris quod situm est in pago Alsinse nostram adierunt clementiam detuleruntque nobis quandam ordinationem quam domnus et pie recordationis genitor noster Hludouicus augustus inibi propter euitandas discordias per missos suos per Haldricum scilicet sancte Senonicensis ecclesie uenerabilem quondam archiepiscopum necnon et Albericum Lingonensis ecclesie episcopum seu Motuinum Augustudunensis episcopum uel Bosonem uenerabilem Sancti Benedicti abbatem olim instituit petierunt celsitudini nostre ut eandem ordinationem nostro corroboraremus precepto Quorum precibus ob diuinum amorem et mercedis nostre emolumento adquiescentes hos celsitudinis nostre fieri decreuimus apices per quos memoratam genitoris nostri ordinationem et firmamus et omnino sancimus ut sicut a prefatis missis domini et genitoris nostri ordinatum atque institutum esse dinoscitur a cunctis abbatibus qui in eodem per tempora ordinati fuerint loco deinceps stabile permaneat absque alicuius refragatione id est de ministerio Fuschardi colonicas quinquaginta et de ministerio Bertharii xlvii et has uillas suprascriptas cum omnibus appendiciis uel adiacentiis earum uillam scilicet Vitiliacum et uillam Vuabram seu uillam Mansionilis et uillam Cacauiacum necnon et uillam Oringiacum seu uillam in comitatu Cabilonense que uocatur Vallis et omnes res que in ipso comitatu sunt et ad eundem pertinent cenobium excepto medietatem uinerum que in eodem coniacent comitatu seu uillam que uocatur Flexus et uillam Iuccus seu uillam Putiolis uel uillam Glennonis et uillam Cancellis seu uillam Lubriacum uel hospitia pastorum que sunt in loco qui uocatur Pargus et uineam que est ad uestiarium fratrum et omnes uineas que sunt in Camariaco Abba et fratres equaliter diuidant forum uenalium rerum quod est in Alesia et in ecclesia Sancte Iuste tam anniuersarium quamque hebdomadarium et duas partes decimarum que sunt de Alesia Hec omnia que suprascripta sunt ita omnino ad eorum usus illis concedimus ad habendum sicut in ordinatione continetur quam pridem domnus et genitor noster per prefatos missos suos instituit ita ut a nemine ullam inde sentiant contrarietatem aut iniustam diminorationem Volumus etiam atque omnino concedimus ut ad culmina tectorum monasterii et queque ruinosa resarcienda tam abbas quamque militares uiri necnon et monachi dent operam iuxta quod melius potuerint sicut in iam dicta continetur ordinatione ut idem monachi pro nostra ac totius imperii incolomitate Domino auxiliante preces fundere ualeant Et ut hoc confirmationis nostre preceptum pleniorem obtineat firmitatem manu propria subter illud firmauimus et anuli nostri impressione adsignari iussimus Ego Remigius notarius ad uicem Agilmarii recognoui et subscripsi Data die iouis ii nonas Decembris anno Christo propitio imperii domini Hlotharii pii imperatoris in Italia xxi in Francia i Actum Luciniaco uilla in comitatu Belnense in Dei nomine feliciter amen