Charter Document - 05930011
| Charter Number: | 05930011 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0751 |
| Date type: | Internal, Regnal |
| Resource Link(s): |
|
Charter:
Die ultimo propinquante curandum est unicuique ne eum anticipent mortis umbre utque eorum orrorem secludat luce elemosinarum aduersantur dum mutuo anima et caro semet accendat et enim splendor Iucerne caliginem domus pellit obfuscate ita elemosina reuerenter Deo oblata offerentis eliminatur facinora Vnde ego in nomine Christi Gundradus sacerdotali quamuis inmerite functus officio ruinam auernalem nequissimis actibus carnis anime debitam miserantis Dei clementiam confidens atque sanctorum fideliumque suorum suffragantibus secludere dono perpetualiter abbati Manassei monachisque presentibus et per tempora eui succedentibus coenobii Flauiniacensis culmine apostolorum principis Petri ac martiris Preiecti circumquaque florentis omnes res quas legitimo cartarum iure in pago Duismensi possidere uideor et sitas in fundo Baiodrinse cum integra colonia Montecellis persistentem et quicquid ad ipsas pertinere conspicitur ab hodierna die et deinceps ad casam Flauinicalem funditus trado ut quicquid exinde monachis secundum suum uelle libuerit facere in eorum sit iussione sine cuiuslibet hominis contradictione Quod siquis temere contra eos cupierit grunnire legum oppressus conflictu coenobitis soluat predicti loci lx solidos argenti sicque uacuus fiat callidus temerator omni tempore rebus Actum Flauiniaco publice anno regni Pippini principis primo