Charter Document - 05930007
| Charter Number: | 05930007 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 0748 |
| Date type: | Internal, Calendar, Regnal |
| Resource Link(s): |
|
Charter:
Procurandum est omni homini regenerato lauacro Spiritus Sancti ne sollicitudine et affectu terrene substantie salutem paruipendat anime sue sed potius illi dominice uoci obedire studeat que dicit Thesauritate uobis thesauros in celo ubi non furatur fur nec erugo eruginat nec tinea corrumpit Peruersum namque nimium est semper in his spem ponere que sub uno momento in se melius sperantes insperate solent relinquere Ob hoc igitur ego in Dei nomine Cylinia filia Deodati augere cupiens elemosinam quam senior ac sponsus meus inclitus Baio una mecum hoc anno mense Maio Flauiniaco contulit monasterio cedo eidem monasterio ubi uir uenerabilis Gayroinus abba cum suis monachis preesse et omnipotenti Deo deseruire uidetur cessumque consentiente et conlaudante predicto coniuge meo a die presenti et in perpetuum esse uolumus propter remedium nostre anime et celestes thesauros adquirendos in pago Dusmensi in uilla que dicitur Puteolis et Optemariaco et Cleriaco quantumcumque in ipsis fines uisa sum habere aut possidere aut genitor meus superius nominatus habuit terras scilicet uilares cum ipsa casa indominicata cum omnibus aedifficiis una cum uniuersis campis ibi pertinentibus pratis siluis pomiferis pascuis aquis aquarumque decursibus cum exu et regressu cum omnibus rebus atque corporibus seruos et ancillas uel quantum in ipsa uilla possidere uidemur aut ibi aspicere uidentur Sicut dictum est totum in integrum a die presente cedimus tradimus atque transfundimus et de nostro iure et dominatione in monachorum Flauinacensium tradimus potestate perpetualiter ad possidendum et quicquid exinde facere uoluerint tam abbas quam monachi predicti coenobii ut ibidem proficiat in augmentum licentiam habeant Siquis uero hominum quod absit aut ullus heredum nostrorum uel quelibet persona contra cessionem istam quam nos deuoto animo fieri rogauimus litigare aut preripere conauerit ne uindicet quod repetit sed inferat partibus monasterii quantum ipse res eo tempore meliorate ualuerint et in fisci uiribus auri untias duas et hec cessio omni tempore firma permaneat Actum Flauiniaco castro anno vii Childerici regis mediante mense Iunio conlaudante ipso Baione una cum Cylinia uxore suo et scribente Gysberto notario his stipulantibus quorum nomina in alia cessione descripta esse uidentur cum Vuascardo et Santerio principibus