Charter Document - 05930006

Hortatur quemquem Christianum eloquii diuini eruditio Consentire aduersario suo dum est cum eo in uia id est sermoni Dei dum manet in hac uita terrigena ne postmodum ab aduersario tradatur iudici et a iudice ministro cum suis nequissimis operibus a quo mittatur in carcerem ubi duras poenas lugeat donec nouissimum quadrantem id est ultimum peccatum exsoluat Huic itaque aduersario ego in Dei nomine Baio et matrona mea Cylinia consentire cupientes cogitauimus propter timorem Dei uel ueniam de peccatis nostris ut ante tribunal Christi eterni Iudicis mereamur accipere dare basilice sacrosancte Flauiniacensi in honore Sancti Petri et Sancti Preiecti constructe ubi uenerabilis uir Garroinus abba cum suis monachis preesse uidentur aliquantulum de facultatibus nostris Nichil enim melius nichil utilius esse prospicitur quam ut homo quantum quis poterit de mundanis rebus comparet sibi paradisum et de terrena substantia transeat ad celestia Ideoque nos propter hoc cedimus a die presente cessumque in perpetuum esse uolumus predicte basilice Dei in pago Alisenso in uilla que dicitur Pulliniacus uel in ipsas fines Magnacensis et Pruuiniacum cum uniuersis agris illic pertinentibus ex omni re nostra in integram partem tam terris uilaris una cum supra positis edificiis mancipiis Iibertis ingenuis qui apud nos epistolas meruerint accipere inspectas eorum ingenuitates acolabus cum merito eorum uel omni re peculium tam maiore quam minore uel quicquid dici aut nominari potest campis pratis siluis uineis pomis pascuis aquis aquarumque decursibus cum exo et regresso cum rebus et corporibus quicquid in iam dictas fines uisi sumus possidere tam de proprio quam de comparato uel de quolibet adtracto aut undecumque ad nos peruenit aut in antea legibus deuenire potest Cum ipsa ecclesia que in ipsa uilla edifficata est que est in honore Sancti Symphoriani cum uinea que ad ipsam ecclesiam pertinet et dicitur Romerengias quam parentes mei ibidem in eorum elemosina concesserunt una cum ipsis strumentis cartarum uel ipso atrio ubi ipsa ecclesia fundata est ad integrum sicut diximus a die presente ad iam dictam basilicam Sancti Petri et Sancti Preiecti cedimus tradimus atque transfundimus ut quicquid exinde actores ipsius monasterii facere uoluerint ut ibidem proficiat in augmentum liberam atque firmissimam habeant in omnibus potestatem perpetualiter ad possidendum Siquis uero quod absit aut nos aut ullus de heredibus nostris uel quislibet uel ulla emissa persona contra cessionem istam quam nos deuoto animo et sincero consilio fieri uel firmare rogauimus repetere uoluerit uindicare non ualeat sed inferat partibus monasterii tantum quantum ipse res meliorate uoluerint et in fisci uiribus auri untias tres et hec cessio omni tempore firma permaneat Actum Flauiniaco castro publico et exaratum a Ghysberto presbitero die Dominico ante medium mensem Maii anno vii Childerici regis suggerente et deprecante immo confirmante eodem uiro inlustri Baione una cum matrone sua Cylinia his presentibus et conlaudantibus simulque stipulantibus []