Charter Document - 05930005
| Charter Number: | 05930005 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0816 |
| Date type: | Internal, Calendar, Regnal |
| Resource Link(s): |
|
Charter:
In nomine Domini Dei et Saluatoris nostri Iesu Christi Hludouicus diuina ordinante prouidentia imperator augustus Omnibus episcopis abbatibus ducibus comitibus uicariis centenariis actionariis uel omnibus rempublicam administrantibus notum sit quia uir uenerabilis Apollinaris abba ex monasterio Flauiniaco quod est situm in pago Alsense constructum in honore Domini et Saluatoris nostri Iesu Christi et Sancti Petri principis apostolorum et Sancti Preiecti martiris obtulit obtutibus nostris quandam authoritatem domni et genitoris nostri Karoli bone memorie piissimi augusti in qua continebatur insertum qualiter idem excellentissimus imperator concessisset eidem monasterio omne teloneum de negotiatoribus eorum uel de hominibus eorum qui per ipsam Dei casam sperare uidentur uel de hoc quod homines ad eorum dorsa portant et ut in uillas eorum seu super terris uel cinctus eorum infra aut foris aduenerint aut negotiatum fuerit omne teloneum per eandem authoritatem eidem concessisset monasterio Pro firmitatis namque studio postulauit nobis prefatus Apollinaris abba ut paterne authoritati hanc nostram super adderemus authoritatem Cuius petitioni libenter adquieuimus et hanc nostram authoritatem eidem monasterio fieri iussimus per quam precipimus atque iubemus ut nemo teloneum nec in ciuitatibus nec in mercatibus aut uicis seu uillis uel pontibus aut portis ipsi monachi aut negotiatores eorum aut homines eorum qui per ipsam casam Dei sperare uidentur nec portaticum nec rotaticum nec barganiaticum nec pulueraticum nec mutaticum nec ripaticum nec salutaticum nec laudaticum nec trauaticum nec de hoc quod homines ad eorum dorsa portant exigere aut exactare presumat et quicquid in uillis seu super terris uel cinctus eorum uel in mercatum qui super terram ipsius monasterii constitutus est infra aut foris aduenerit et negotiatum fuerit eidem monasterio concessimus et ita ab omnibus conseruetur quemadmodum a domno et genitore nostro et a nobis concessum est Et ut hec authoritas ab omnibus fidelibus nostris uerius certiusque credatur eam manu propria subter firmauimus et anuli nostri impressione signari iussimus Data die kalendis Iulii anno Christi propitio imperii domni Hludouici pii imperatoris iii indictione viii apud Aquasgranas palatio regio