Charter Document - 05930004
| Charter Number: | 05930004 |
|---|---|
| Cartulary Title: | The Cartulary of Flavigny, 717-1113 |
| Charter Language: | Latin |
| Charter Origin: | Royal |
| Charter Type(s): | Freedom |
| Date: | 0775 |
| Date type: | Internal, Calendar, Regnal |
| Resource Link(s): |
|
Charter:
Karolus gratia Dei rex Francorum et dux Langobardorum ac patricius Romanorum uir inlustris Si petitionibus sacerdotum quod ad profectum ecclesiarum pertinet deuota mente prestamus retributorem omnium bonorum Iesum Christum ex hoc confidimus Petiit celsitudinem nostram uenerabilis uir Manasses abba de monasterio quod uocatur Flauiniacus in pago Alsinsi quod est constructum in honore Domini nostri Iesu Christi uel Sancti Petri et Sancti Preiecti ut omne teloneum intra regnum nostrum de negociantibus eorum uel de omnibus hominibus eorum qui per ipsam casam sperare uidentur ut nullum teloneum dare non debeant in ciuitatibus marcatis uicis uillis pontis portubus nec ipsi monachi seu negociantes eorum et homines eorum qui per ipsam casam sperare uidentur nec teloneum nec pontaticum nec rodaticum nec barganaticum nec pulueraticum nec mutaticum nec riuaticum nec salutaticum uel laudaticum nec trauaticum nec de hoc quod homines eorum ad dorsum portare uidentur et quicquid exinde ad partem fisci nostri reddere debent totum in luminaribus uel in stipendia monachorum et susceptionem pauperum in nostra elemosina ad ipsam casam Dei concessimus Quas nunc et moderno tempore concessum atque indultum esse uolumus ut sicit diximus de omnibus teloneis in ciuitatibus uicis uillabus pontis portubus pontatico rodatico barganiatico pulueratico mutatico riuadico salutatico laudatico trabatico et de hoc quod homines eorum ad dorsum portant et de negotiantibus eorum uel de omnibus hominibus eorum deuote pro ipsa casa Dei Sancti Petri et Sancti Preiecti omni tempore perpetualiter concessimus atque indulsimus Similiter concedimus ad ipsam casam Dei in uillabus eorum seu super terraturiis eorum uel cinctus eorum infra aut ad foris ibidem aduenerint et quicquid ibidem negotiatum fuerit omne teloneum sicut superius diximus ad ipsam casam per nostram preceptionem concessimus Et ut hec preceptio firmior habeatur et per tempora melius conseruetur manu nostra subter decreuimus adfirmare Data die v nonas Maii et scripta per Radonem apud Theodonem uillam palatio publico anno vii predicti domni nostri Karoli