Charter Document - 05920107
| Charter Number: | 05920107 |
|---|---|
| Cartulary Title: | Annals and Antiquities of Lacock Abbey |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1282 |
| Date type: | Internal, Regnal |
| Resource Link(s): |
British Library - Add MS 88974 (f105r) |
Charter:
Edwardus Dei gratia Rex Anglie Dominus Hibernie et Dux Aquitanie omnibus ad quos presentes littere pervenerint salutem Licet de communi consilio regni nostri providerimus quod non liceat viris religiosis seu aliis ingredi feodum alicujus ita quod ad mortuam manum deveniat sine licentia nostra et capitalis domini de quo res illa immediate tenetur volentes tamen dilecte nobis Ele Comitisse Warwyk gratiam facere specialem dedimus ei licentiam quantum in nobis est quod unum mesuagium et duodecim virgatas terre cum pertinentiis in Etherop dare possit et assignare dilectis nobis in Christo Abbatisse et Monialibus de Lacock tenenda et habenda sibi et successoribus suis imperpetuum et eisdem Abbatisse et Monialibus quod mesuagium illud et terram ab eadem Comitissa recipere possint tenore presentium similiter licenciam concedimus specialem Nolentes quod prefata Comitissa seu predicte Abbatissa et Moniales ratione predicti statuti per nos vel heredes nostros inde occasionentur in aliquo vel graventur Salvis tamen capitalibus dominis feodi illius serviciis inde debitis et consuetis In cujus rei testimonium has litteras nostras fieri fecimus patentes Teste meipso apud Karnarvan iv die Maii anno regni nostri duodecimo
Source (click image below to view full size)
