Charter Document - 05920103

Hec est Conventio facta inter Hugonem Abbatem Cyrencestrie et ejusdem loci Conventum videlicet quod predicti Abbas et Conventus Cyrencestrie concesserunt pro se et successoribus suis imperpetuum quod eorum Baillivi tantummodo bis in anno venient apud Hetherop ad visum franchi plegii faciendum in Curia predicte Priorisse et Conventus de Lacock scilicet de loquelis ad coronam domini Regis spectantibus et omnibus aliis ad visum franchi plegii pertinentibus videlicet circiter festum Sancti Martini et circiter Hockeday quando Baillivi predictorum Abbatis et Conventus curiam predictam facient summoniri ita quod omnes homines infra libertatem predicte Priorisse et Conventus de Lacock manentes nisi qui rationabilem causam habeant quare venire non possint ad predictos duos dies venient ubi omnes loquelas ad visum franchi plegii Baillivis predictorum Abbatis et Conventus monstrabunt que ad dictos duos dies per visum Baillivorum Abbatis et Conventus terminabuntur et homines infra libertatem predicte Priorisse et Conventus de Lacock manentes ad singulos duorum dierum dabunt predictis Abbati et Conventui triginta denarios sive curia amerciata fuerit sive non pro omnibus occasionibus et amerciamentis ad predictum visum pertinentibus et amerciamenta si que ibi evenerint predicte Priorisse et ejus Conventui remaneant ita quod si latro et latrocinium capta fuerint in libertate predicte Priorisse et Conventus de Lacock ducentur sine dilatione ad prisonam Abbatis et Conventus Cyrencestrie et ibidem recipientur et judicabuntur Similiter si clamor levatus fuerit in libertate predicte Priorisse et Conventus de Lacock et per stultitiam conquerentis vel per fortiam Vicecomitis vel per Baillivos suos trahatur illa predicta loquela ad Comitatum Gloucestrie et per Abbatem et Conventum vel per eorum Baillivos extrabatur eadem loquela vel si aliquis alius clamor in libertate predicte Priorisse et Conventus de Lacock levatus fuerit et per Baillivos earum vel per Baillivos Abbatis et Conventus Cyrencestri attachiatus Abbas et Conventus Cyrencestrie de omnibus extraneis extra libertatem predicte Priorisse et Conventus de Lacock manentibus occasione predictorum clamorum attachiatis amerciamenta habebunt Similiter predicta Priorissa et ejus Conventus de omnibus hominibus in libertate sua manentibus et occasione predictorum clamorum attachiatis habebunt amerciamenta Similiter si aliqua querimonia facta fuerit per aliquem de averiis captis et retentis contra vadium et plegium de predicta Priorissa et Conventu de Lacok vel aliquo alio in eorum libertate manente Abbas et Conventus Cyrencestrie loquelas illas et amerciamenta inde provenientia habebunt Similiter si quis inventus fuerit in libertate predicte Priorisse et Conventus sui de Lacock qui sit extra assisam domini Regis et ibidem ultra unum annum et unum diem moratus fuerit sine licentia Baillivorum Abbatis et Conventus Abbas et Conventus Cyrencestrie amerciamenta si que inde inciderint habebunt Et omnis quicumque fuerint qui in tethyngam intrare debebunt coram Baillivis Abbatis et Conventus Cyrencestrie in tethingham intrabunt salvo denario de ingressu tethynge tethingmanno predicte Priorisse et Conventus de Lacok Et omnes alie loquele et querele predicte Priorisse et ejus Conventui remanebunt Et ut hec conventio rata et stabilis imperpetuum permaneat presens scriptum inter predictum Abbatem et Conventum Cyrencestrie et Priorissam sepe dictam et Conventum suum de Lacock est ad modum Cyrographi confectum et parti predictorum Abbatis et Conventus sigillum dicte Priorisse et Conventus de Lacock est appensum et similiter parti Priorisse et sui Conventus sigillum predictorum Abbatis et Conventus est appositum