Charter Document - 05920020

Henricus Dei gratia Rex Anglie Dominus Hibernie et Dux Aquitanie Archiepiscopis Episcopis Abbatibus Prioribus Comitibus Baronibus Justiciariis Vicecomitibus Ministris et omnibus Baillivis et fidelibus suis salutem Noverit universitas vestra quod cum dilecta affinis nostra Ela dicta Patrona Domus de Lacock nos attente rogasset ut eidem Domui sue ad sustentationem suam de gratia nostra subveniremus de una carectata buste diurna de mortuo vel sicco bosco vel de viridi in foresta nostra de Melkesham et per inquisitionem captam inde per dilectum et fidelem nostrum Robertum Walerauns tunc Justiciarium foreste nostre citra Trentam fieri fecimus accepissemus quod mortuus vel siccus boscus non sufficeret ad unam carectatam diurnam et quod utilius esset nobis assignare Abbatisse et Monialibus dicte domus quandam placeam in quadam parte foreste nos pro salute anime nostre et animarum antecessorum nostrorum et heredum nostrorum dedimus concessimus et hac carta nostra confirmavimus pro nobis et heredibus nostris predictis Abbatisse et Monialibus quadraginta acras bosci in predicta foresta nostra per perticam nostram de foresta infra metas subscriptas viz de haya et fossato de Luntesleye ascendendo juxta Wodenesdik usque desuper viam que vocatur Haggestrete versus Chetowe et desuper ipsam viam usque parvam Hesewych ad fossatum quod vocatur Aldefrithesdich et de dicto fossato de Aldefrithesdich usque ad predictum fossatum et haiam de Luntesleye juxta Milestile ex parte australi habendas et tenendas eisdem Abbatisse et Monialibus et successoribus suis ad sustentationem Domus sue de nobis et heredibus nostris in liberam puram et perpetuam elemosynam quietas de vasto et regar do et de visu forest ariorum viridariorum et de omnibus aliis ad forestam et forestarios viridarios et eorum ministros pertinentibus Ita tamen quod liceat eisdem Monialibus placeam illam fossato et haya pro voluntate sua includere ita quod fere nostre eam ingredi non possint et eam sic inclusam sibi et successoribus suis tenere in perpetuum Et si contingat quod fere nostre per defectum clausure sue placeam illam ingrediantur fere ille nobis remaneant capiende ad voluntatem nostram Ita quod cum voluerint dicte Moniales placeam illam re includant quod fere nostre eam ingredi non possint sicut predictum est Hiis testibus Ricardo de Clare Comite Gloucestrie et Herefordie Rogero le Bigot Comite Norfolcie et Marescallo Anglie Hugone le Bigot Justiciario Anglie Philippo Basset Johanne Merunsell Thesaurario Eborum Johanne de Burgo Henrico de Bathonia Rogero de Thurkelby Gilberto de Preston Nicholao de Hanslo et aliis Datum per manum nostram apud Westmonasterium tertio die Junii anno regni nostri quadragesimo quarto