Charter Document - 05920014
| Charter Number: | 05920014 |
|---|---|
| Cartulary Title: | Annals and Antiquities of Lacock Abbey |
| Charter Language: | Latin |
| Charter Origin: | Royal |
| Charter Type(s): | Inspeximus |
| Date: | 1237 |
| Date type: | Internal, Regnal |
| Resource Link(s): |
|
Charter:
Henricus Dei gratia Rex Anglie Dominus Hibernie Dux Normannie et Aquitanie Comes Andegavie Archiepiscopis Episcopis Abbatibus Prioribus Comitibus Baronibus Justiciariis Vicecomitibus Prepositis Ministris et omnibus Ballivis et fidelibus suis salutem Sciatis nos concessisse et hac carta nostra confirmasse pro nobis et heredibus nostris dilectis nobis in Christo Ele Abbatisse de Lacock et Monialibus ibidem Deo servientibus quod ipse et successores earum in perpetuum habeant quoddam Mercatum ad manerium suum de Lacok singulis septimanis per diem Martis nisi mercatum illud sit ad nocumentum vicinorum mercatorum Quare volumus et firmiter precipimus pro nobis et heredibus nostris quod predicte Ela Abbatissa et Moniales ibidem Deo servientes et successores earum in perpetuum habeant et teneant predictum Mercatum apud manerium predictum de Lacok bene et in pace et libere et quiete cum omnibus libertatibus et liberis consuetudinibus ad hujusmodi Mercatum pertinentibus sicut predictum est Hiis Testibus venerabilibus patribus W Eboracensi Archiepiscopo W Karleolensi W Wigorniensi et W Exoniensi Episcopis B comite le Bigot W de Cantulo Johanne filio Galfridi Galfrido Dispensario Waltero de Lintona et aliis Dat per manum nostram apud Portesmouth sexto die Maii anno regni nostri vicesimo sexto
Source (click image below to view full size)
