Charter Document - 05920004
| Charter Number: | 05920004 |
|---|---|
| Cartulary Title: | Annals and Antiquities of Lacock Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1229 - 1261 |
| Date type: | Assigned |
| Resource Link(s): |
British Library - Add MS 88973 (f7r) British Library - Add MS 88974 (f1v) |
Charter:
Sciant presentes et futuri quod ego Ela Comitissa Sarum pro Deo et pro anima Comitis Willelmi Longespeie mariti mei et omnium antecessorum suorum et meorum et pro salute mea et Willelmi Longespeie filii mei primogeniti et omnium aliorum liberorum meorum et heredum meorum inviduitate et ligia potestate mea dedi et concessi et presenti carta mea confirmavi Deo et beate Marie et sancto Bernardo et sanctimonialibus apud Lacock Deo servientibus manerium meum de Lacock cum advocatione ecclesie ejusdem manerii et cum omnibus pertinenciis suis et manerium de Hatherop cum omnibus pertinentiis suis et manerium de Bissopestre cum omnibus pertinenciis suis et medietatem manerii de Hedrington cum omnibus pertinenciis suis que me contingunt per finalem concordiam inter Humfridum de Boun et me in curia Domini Regis factam de honore de Treubrigge et advocacionem ecclesie de Winterbourn Syreveton cum omnibus libertatibus et liberis consuetudinibus in omnibus locis et in omnibus rebus sine aliquo retinemento Quare volo quod moniales apud Lacok Deo imperpetuum serviture habeant et teneant tota predicta maneria in liberam puram et perpetuam elemosinam soluta penitus et quieta ab omni seculari servicio pertinente ad dominum Regem et Ballivos suos et ad me et ad heredes meos et ab omni modo servicii et exactionis quocunque casu possit exigi de dictis terris Et ego Ela et heredes mei warrantizabimus defendemus et acquietabimus prefatis monialibus tota prefata Maneria cum dictis advocationibus Ecclesiarum de Winterbourn Shreueton scilicet et Lacok et cum omnibus aliis pertinentiis suis ita libera et quieta sicut aliqua elemosina liberius dari potest contra omnes homines et feminas imperpetuum Hiis Testibus Domino Waltero de Godarvile Thoma de Ebelesbourn Nicholao Malemains Ada rectore de Gatesden Ricardo Longespeye Johanne de Moul magistro Rogero de Stokes domino Rogero de Baskervile Petro de Salceto domino Petro persona de Treubrigge Philippo de Depeford clerico Thoma Makerel clerico Roberto de Holte clerico et aliis
Source (click image below to view full size)
