Charter Document - 05920002
| Charter Number: | 05920002 |
|---|---|
| Cartulary Title: | Annals and Antiquities of Lacock Abbey |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1227 - 1228 |
| Date type: | Assigned |
| Resource Link(s): |
|
Charter:
Universis sancte Matris Ecclesie filiis ad quos presens scriptum pervenerit Ela Comitissa Sarr eternam in Domino salutem Noverit universitas vestra quod dominus meus et quondam maritus Willielmus Longespee Comes Sarr volens construere domum ordinis Chartusie per assensum meum et bonam voluntatem donavit ordini Chartusie manerium de Atherop in [] et boscum suum de Bradene cum integritate sua et terram de Cheleworth quam habuit ex dono Henrici Basset ut ibi manerent tam monachi quam fratres ad serviendum Deo imperpetuum secundum consuetudinem et ordinem Chartus Set quia monachi et fratres ad locum ipsum destinati licet stetissent ibi per plures annos non potuerunt invenire in predictis tenementis locum ordini suo competentem ego volens intuitu Dei perficere quod predictus maritus meus bene inceperat in ligia potestate et viduitate mea post mortem ipsius et pro anima ipsius et pro anima Comitis Willielmi patris mei et pro salute mea et puerorum meorum et pro animabus omnium antecessorum et heredum meorum donavi et concessi et hac carta mea confirmavi ordini Chartusie in escambium predictorum tenementorum totum manerium meum de Henton cum advocatione ecclesie et parco et omnibus aliis pertinenciis suis sine ullo retinemento inde michi et heredibus meis Et similiter totum manerium meum de Norton cum advocatione ecclesie et omnibus aliis pertinentiis suis sine ullo retinemento michi et heredibus meis reservatis tamen michi et heredibus meis serviciis militaribus omnium illorum qui de me tenent in predictis maneriis per servicium militare Excepto servicio Ricardi parcarii et heredum suorum de j virgata terra quam tenet in Henton quod servicium pertinebit in perpetuum ad predictis monachos et fratres sive predictus Ricardus defendat predictam virgatam terre per custodiam parci vel per servicium militare et etiam salvis michi et hearedibus meis kachiis forinsecis que sunt extra terminos predictorum maneriorum Ad fundandam construendam et in perpetuum sustentandam quandam Domum ordinis Chartusie in honore Dei et beate Marie et sancti Johannis Baptiste et omnium Sanctorum in parco de Henton in loco qui vocatur locus Dei Habendum et tenendum in puram et perpetuam elemosinam monachis et fratribus ibidem Deo servientibus secundum consuetudinem et ordinem ecclesie Chartusie Et ego et heredes mei warantizabimus predictis monachis et fratribus predicta tenementa cum pertinentiis contra omnes gentes et defendemus eos de omnibus serviciis et consuetudinibus et secularibus demandis Et ut hec donatio concessio et confirmatio mea rata et stabilis inperpetuum permaneat eam presentis scripti testimonio et sigilli mei impressione corroboravi Hiis Testibus Domino Joscelino Bathonensi episcopo domino R Sarr episcopo magistro Edmundo de Abendon thesaurario Sarr magistro Elia de Derham canonico Sarr Reginaldo de tunc vic Wiltesir Bartb de Turbervill Willielmo Gereberd Waltero de Pavily Johanne Gereberd Baldewino filio Willielmi tunc senescallo comitis Sarr Michele de Cheldrinton Willielmo de Burneford Nicholas de Hedinton clerico Rogero Lond []
Source (click image below to view full size)
