Charter Document - 05910281

Et quia idem Abbas noluit eis obtemperare neque consentire per literas consimiles a curia Regis impetratas et Vicecomiti Staffordie directas eundem dominum suum Laurentium Abbatem circa Festum beati Martini coram dicto Vicecomite in comitatu prefato in placitum traxerunt audacter et non ficte obloquentes et nequiter Abbatem et Senescallum suum super injuriis sibi contra libertates suas ut dicebant ab eis in pace Dei et Regis illatis accusantes Nefanda et coram Deo et hominibus detestanda presumptio rusticorum dominum suum Sancte Ecclesie prelatum in curia seculari coram laico et potestate seculari taliter impetentium et jure suo et dignitate privare volentium Sed prenominatus Abbas invocata Sancti Spiritus gratia conventu suo jugiter pro jure domus sue in orationibus persistente et Deum qui superbis resistit et humilibus dat gratiam suam et gloriosam Virginem Mariam et Sanctam Moduennam et omnes Sanctos Dei humiliter et sepius invocante paucis postmodum diebus elapsis tempore brumali adiit pro instanti negocio curiam Regiam semel apud Merleburge et secundo apud Keniton non sine laboribus magnis et expendis et impetratis literis istis