Charter Document - 05910247

Hec est conventio facta anno Domini MCC nonogesimo secundo [] inter religiosos viros Dominum T Abbatem Burtonie super Trentam [] ex una parte et Robertum filium Rogeri de Toke dominum de Ansedele et Rogerum Doterel Johannem del Ruding Robertum molendinarium et Petrum de Wyrke libere tenentes de eadem ex altera Videlicet quod dictus Robertus dominus de Ansedele pro se et heredibus suis et hominibus suis nativis in eadem et predicti Rogerus Johannes Robertus et Petrus libere tenentes pro se et heredibus suis omnimodam clausturam in bosco predictorum Abbatis et Conventus amodo capiendam remiserunt [] Concesserunt et dictus Dominus de Ansedele pro se [] et predicti liberi tenentes pro se [] quod singulis annis veniant et in perpetuum venire teneantur ad duas magnas curias Abbatis de Burton per rationabilem sumonitionem factum scilicet post festum Paschae et post festum Sancti Michalis tenendas et ibi presentabunt et respondebunt franciplegii de Ansedele pro dezennis suis omnia que ad pacem et coronam Domini Regis spectant secundum morem et consuetudinem regni Anglie et amerciabuntur non venientes et pacis transgressiones secundum judicium dicte Curie salvo dicto domino de Ansedele jure suo petendi curiam suam de tenentibus et hominibus in aliis placitis inter eosdem motis et motiendis in Curia predicta si ad congruos diem et horam per se vel per alium illam petere paratus est [] Hiis testibus Dominis Roberto de Warda et Aluredo de Solvy militibus Radulfo de Burgo Waltero de Bathonia ministro Domini Edmundi Radulfo de Rollistona Matheo de Villers Senescallo Abbatis Ricardo de Burton Clerico Johanne ad finem ville de Horniglowe Willelmo Gobert de eadem et aliis