Charter Document - 05910246

Pateat universis quod nos Abbas et Conventus de Burton super Trentam a bone memorie quondam Domino Ricardo de Draycote milite dum vixit varia beneficiorum comoda et post ejus decessum ab executoribus ejusdem multipliciter recepimus Nos anime dicti defuncti per orationem nostrorum et aliorum caritatis operum suffragia [] concedimus pro nobis et successoribus nostris sponte concedimus quod in una missa singulis diebus in perpetuum in Ecclesia nostra per unum de monachis nostris celebranda specialis oratio fiat et memoria in canone pro animabus dicti Domini Ricardi et Ricardi filii sui defunctorum volumus eta Et hanc voluntatem et concessionem nos Abbas personaliter et Conventus predictus per procuratorem legitimum ad hoc specialiter deputatum coram officiales Venerabilis Patris Domini R de gratia Conventrensis et Lichfeldensis Episcopi in judicio sponte confessionem fecerunt nos ad singula dicta facienda ut predictum est specialiter et definitive condempnavit Et nos Abbas et Conventus antedicti dictam condempnationem acceptamus Et ad majorem securitatem et perpetuam hujus rei geste memoriam huic instrumento [] Et volumus quod hoc instrumentum in Thesaurario Prioratus de Stanis salvo custodiatur Et quod posteri successores dicti Domini Ricardi copiam hujus habeant cum voluerint et potestatem excitandi nos et agendi contra nos per vim et effectum hujus instrumenti si contingat nos in predicta concessione nostra deficere quod absit in futurum Datum apud Hottokeshather in crastino Passionis Beati Thomae Cantuariensis Archiepiscopi anno Domini mcc nonogesimo secundo