Charter Document - 05910212
| Charter Number: | 05910212 |
|---|---|
| Cartulary Title: | The Burton Chartulary |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1200 |
| Date type: | Assigned |
| Resource Link(s): |
British Library - Add MS 89169 (f59v) British History Online |
Charter:
Ricardus Dei gratia Conventrensis Episcopus dilectis Dominis sui et amicis Justiciariis Domini Regis mentis et corporis salutem [] Inde est testimonium quod vobis significamus quod Willielmus Lichfeldensis Decanus pie recordationis persona Matris Ecclesie de Ylum per presentationem Abbatis Burtonie percipiebat singulis annis unam marcam argenti de Capella de Blora sicut de Capella adjacente prefate Matrici Ecclesie Et post decessum ejusdem Willielmi Abbas de Bortona ad cujus monasterium Ecclesia de Ylum pertinere dinoscitur nobis Nicholaum Conventrensem Archidiaconum Capellanum Domini Regis ultimam personam presentavit ad eandem Ecclesiam et ad omnes ejus pertinentias et nominatim ad Capellam ed Blora et nos eum exinde canonice investivimus Et cum inter predictum Archidiaconum et E fratrem Yvonis de Muttona qui predictam Capellam injuste occupaverat coram nobis ageretur prefatus E de jure suo diffidens juravit in presentia nostra quod nichil sibi vendicaret de prenominata Capella preter assensum Abbatis Burtonie et Conventus et jam dicti N Archidiaconi post modum autem quia idem E non est veritus contra sacramentum suum venire eum ter vocatum sententie excommunicationis moderavimus et in eadem sententia mortuus Scimus etiam quod prefata capella nunquam separata fuit a Matrice Ecclesia de Ylum Valete
Source (click image below to view full size)
