Charter Document - 05910119

Hec est conventio que tempore Bernardi Abbatis facta est inter Monachos Burtonie et Humfridum de Thocha in presentia Willielmi filii Radulfi Vicecomitis Nothighamsira et in presentia aliorum plurimum nostrorum honorabilium [] Humfridus tenebat et adhuc tenet de Abbate et Ecclesia in feudum quandam villulam nomine Pothlac pro xvi s singulis annis reddendis excepto molendino quorum medietatem octo videlicet solidos injuste sua propria voluntate sua propria auctoritate sine assensu Abbatis et monachorum sine consideratione curie sine judicio xiii annis et amplius detinuatur Hos viii s de singulis transactis annis Abbas et Monachi ab ipso exigebatur et propter hoc ad placitum cogebatur precepto Regis et justicie ejus Tandem Humfridus Deo volente cognovit debitum dicens se propter hoc detinuisse quod deerat ei quedam pars prefate ville insula videlicet que violentia ablata et alienata a se et ab Ecclesia per ministros et homines Comitis Cestrie de Rependon fuerat ab initio Regni Regis Henrici secundi nepotis scilicet Regis Henrici senioris Hec contentio demum consilio proborum virorum et utriusque partis amicorum tali fine terminata est Abbas totum debitum de transacto tempore remisit eo tenore quod Humfridus amodo reddet plenam firmam xvi s videlicet [] Si Abbas [] recuperare poterunt insulam que ad prefatam villulam adjacet et pertinet habebit eam Humfridus []