Charter Document - 05910030

Orm le Guldene qui primo tenuit Derlaston cum pertinentiis de Domino Abbate de Burton genuit Engelardum de Greselega qui successit ei in hereditatem et duxit [in] uxorem Mabiliam de Perpunt ex qua genuit tres filias scilicet Hawysiam Dyonisiam et Petronillam et iste tres filie successerunt dicto Engelardo in hereditatem per equalibus portionibus Quidem Henricus de Verdun desponsavit Hawisiam primogenitam de qua genuit Henricum patrem Henrici qui nunc est Stephanus de Wiverston desponsavit Dionisiam de qua genuit Henricum et Feliciam qui Henricus sine herede de corpore suo obiit et successit ei Felicia soror ejus quam Feliciam Roger de Wellesburne desponsavit de qua genuit quendam Ricardum qui successit ei in hereditatem et genuit ex uxore sua quendam Philippum qui successit ei in hereditatem Idem Philippus dedit dictam terram in escambium pro parte sua Gervasio de Levedale cui Henricus de Verdun pater Henrici qui nunc est satisfecit pro dicta terra et tenuit eam Petronilla tertia soror desponsata fuit Roberto de Sogunhull et obiit sine herede de corpore suo Purparta et terra sua rediit predictis sororibus Dionisie et Petronille suo tempore dederunt Johanni fratri suo bastardo unam carucatam terre reddendo annuatim dimidiam marcam quam idem Johannes contulit Prioratui de Stonis tempore Humfridi Prioris solvendo annuatim dimidiam marcam de qua dimidia marca placitum fuit motum in Comitatu Staffordie inter Priorem de Stanis et Henricum de Verdun et dictus Prior venit et recognovit se tenere dictam carucatam terre de Domino Abbate de Burtone Reddendo ei illam dimidiam marcam et nichil clamavit inde tenere de dicto Henrico et creditur quod dictus Prior inde cartam talem habet