Charter Document - 05910013
| Charter Number: | 05910013 |
|---|---|
| Cartulary Title: | The Burton Chartulary |
| Charter Language: | Latin |
| Charter Origin: | Royal |
| Charter Type(s): | Memorandum |
| Date: | 1200 |
| Date type: | Assigned |
| Resource Link(s): |
British History Online |
Charter:
Post cujus decessum fuerunt monachi in possessione ejusdam ville fere per biennium tempore Regis Johannis qui mediante Willelmo Bruere exegit a monachis sex palefridos pro confirmatione eis facienda de eadem villa et antequam ei potuit inde ab Abbate et Conventu respondere mortuus est Rex Posito Nicholao Abbate in pacifica et plenare possessione dicte ville de Cotes Stephanus de Bellocampo transfretavit ibique mortuus est post cujus obitum Ranulphus Comes Cestrice tempore quo Montsorel obsidebatur ejecit predictum Abbatem de dicta villa de Cotes injuste eamque in manu sua aliquamdiu tenuit Deinde dictus Comes tradidit dictam villam Willielmo de Vernun qui eam tenuit per aliquot annos sine carta Mortuo vero Comite antedicto Stephanus de Segrave qui aliquo tempore cum dicto Comite exstiterat et noverat viciosum ingressum ipsius in predicta villa et per Willielmum de Vernun nullam inde Warrentiam haberet ex Comite antedicto accessit ad Regem Henricum patrem Domini Edwardi Regis nunc cum esset Justiciarius ejus et suggessit ei quatuor sorores ipsius Stephani de Bellocampo ipsius esse heredes et jus habere in villa de Cotes Et cum esset Justiciarius Regis fecit eas venire coram Rege et reddere in manu Regis jus suum de Cotes cum per precedentem cartam Stephani fratris sui nullum jus haberent in dicta villa Hiis ergo sic se habentibus Henricus Rex dedit dictam villam Stephano de Segrave per cartam suam ut sequitur
Source (click image below to view full size)
