Charter Document - 05890154
Charter Number: | 05890154 |
---|---|
Cartulary Title: | Glapwell Charters |
Charter Language: | Latin |
Charter Origin: | Lay |
Charter Type(s): | Grant |
Date: | 1300 - 1320 |
Date type: | Assigned |
Resource Link(s): |
|
Charter:
Sciant presentes et futuri quod ego Ricardus de Staunton clericus dedi concessi et hac presenti carta mea confirmaui Willelmo fratri meo pro seruicio suo unam bouatam terre cum tofto et edificiis supra stantibus et omnibus aliis pertinentiis suis una cum pastura de Bromlethe ad omnia aueria cuiuscumque generis fuerint in eadem pascenda extra clausum Radulfi de Glapwell domini eiusdem tenementi illam videlicet bouatam terre cum pertinenciis quam emi de domino Willelmo de Byrton quondam vicario de Hokenale in villa et territorio de Glapwell Habendam et tenendam ipsi Willelmo et heredibus suis uel suis assignatis de capitali domino feodi illius libere quiete bene et in pace cum omnibus libertatibus et asiamentis infra villam de Glapwell et extra ad predictum tenementum pertinentibus faciendo etiam pro me et heredibus meis capitali domino seruicium inde debitum videlicet quinque solidos et duos denarios pro omnibus Et ego Ricardus et heredes mei totum predictum tenementum cum suis pertinenciis predictis Willelmo et heredibus suis uel suis assignatis contra omnes gentes warantizabimus acquietabimus et defendemus per consimilem warantizacionem acquietacionem et defenscionem cum feoffator meus et sui heredes me et heredes meos seu assignatos possunt et debent warantizare acquietare et defendere In cuius rei testimonium presenti scripto sigillum meum apposui Hiis testibus Ricardo de Staunton Henrico de Gratton Radulfo de Wynnefeud Hugone de Kirlington Ricardo Roberd de Glapwell et aliis