Charter Document - 05890153
| Charter Number: | 05890153 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1300 - 1320 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Byrton quondam vicarius de Hokenale dedi concessi relaxaui et omnino pro me et heredibus meis quietam clamaui Ricardo filio Willelmi de Stanton clerici pro seruicio suo totam illam bouatam terre cum tofto et edificiis supra stantibus et cum omnibus aliis suis pertinenciis sine aliquo retenemento una cum pastura per totum boscum de Bromelegh in villa et in territorio de Glapwelle illam videlicet quam emi de Simone quondam domino de Glapwelle Habendam et tenendam ipsi Ricardo et heredibus suis uel suis assignatis quibuscumque et eorum heredibus de capitali domino feodi illius libere quiete bene et in pace in feodo et hereditate cum omnibus libertatibus et aysiamentis in omnibus locis et singulis infra villam de Glapwelle et extra ad predictum tenementum ubique pertinentibus imperpetuum Reddendo et faciendo seruicium inde debitum videlicet quinque solidos et duos denarios tantum ad terminos statutos per annum pro omnibus Ita quidem quod nec ego Willelmus nec heredes mei nec aliquis per me nec nomine nostro nec aliqua persona interposita aliquid iuris uel clamii in predicto tenemento cum omnibus suis pertinenciis prenominatis de cetero habere exigere vendicare uel reclamare poterimus imperpetuum Et quia carta feoffamenti mei erat in domibus meis apud Hokenale combusta ut eiusdem combustionis testificacio per tres dies comitatum Derb periberetur proclamata non aliam cartam eidem Ricardo tradidi inde originalem nisi hanc feci fieri eidem quietam clamationem In cuius rei testimonium presenti scripto sigillum meum est appensum Hiis testibus Johanne de Eyncourt Roberto de Rybeff Waltero de Ogaston Reginaldo del Holyns Hugone de Kyrlyngton et aliis