Charter Document - 05880147
| Charter Number: | 05880147 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1217 - 1218 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum peruenerit Stephanus abbas de Bello Capite et eiusdem loci conuentus salutem Noueritis nos dimisisse ad perpetuam firmam abbati et conuentui de Derleg totam terram cum pertinenciis et libertatibus in villa de Glapwall quam habuimus anno secundo coronationis domini Henrici regis filii regis Johannis secundum tenorem cartarum quas habemus de Simone filio Hugonis et Ricardo filio Willelmi et Rogero filio Hugonis et Roberto filio Hugonis de Glapwall Reddendo nobis inde annuatim viginti quatuor solidos ad duos terminos scilicet duodecim solidos infra octabas Pentecostes et duodecim solidos infra octabas sancti Martini pro omni seruitio ad nos pertinente saluo forinseco seruitio Nos uero predictam terram cum predictis pertinentiis et libertatibus warantizabimus predictis abbati et conuentui de Derleg contra omnes homines inperpetuum Si uero nos warantizare contra dixerimus liceat domino episcopo uel eius archidiacono censura ecclesiastica nos ad warantizandum compellere Et in huius rei testimonium huic scripto sigillum nostrum apposuimus Hiis testibus Willelmo de Muschamp archidiacono Derb et capitulo de Scaruesdal et aliis