Charter Document - 05880145

Pateat omnibus hoc scriptum visuris uel audituris quod frater Willelmus abbas de Derl et eiusdem loci conuentus concesserunt et tradiderunt domino Galfrido de Grangiis capellano omnes decimas garbarum et feni lane agnorum et aliarum minutarum decimarum et oblaciones spectantes ad capellam suam de Glapwell et toftum cum edificiis et aliis pertinenciis suis quod pertinet ad capellanum eiusdem capelle et aliud toftum cum edificiis et crofto quod iacet inter dictum toftum et campum Tenenda et habenda eidem Galfrido usque ad terminum quinque annorum plenarie completorum termino incipiente ad festum sancti Michaelis anno gratie MCC octuagesimo nono Saluis dictis abbati et conuentui principali legato in viuis animalibus et terra ac blado crescente et omnibus decimis maioribus prouenientibus de wayneria sua et de pecoribus suis in villa et territorio de Glapwel Reddendo annuatim eisdem abbati et conuentui quadraginta et quinque solidos et duos denarios argenti scilicet medietatem ad festum Purificationis beate Marie et aliam medietatem ad festum sancti Jacobi apostoli et acquietando dictam capellam de senagio et letare scilicet xviii denarios Idem uero Galfridus deseruiet dicte capelle personaliter cum clerico ydoneo sicut decet et edificia in dictis toftis constructa in competenti statu sustinebit et si edificia noua in dictis toftis uel uno eorum construxerit in fine termini ea non poterit amouere Ad hanc autem conuencionem fideliter obseruandam idem Galfridus dictis abbati et conuentui plegios inuenit scilicet Simonem filium Hugonis de Glapwell et Ricardum de Grangiis qui se fidei religione obligauerunt uterque in solidum ad satisfaciendum eisdem abbati et conuentui in omnibus articulis huius conuencionis in quibus idem Galfridus defecerit subicientes se tam principalis quam plegii sui predicti et omnia bona sua mobilia et inmobilia iurisdictioni et potestati cuiuscumque judicis ecclesiastici uel secularis quem dicti abbas et conuentus eligere voluerint ut ipse sine strepitu iudiciali possit eos compellere quacumque voluerit cohercione si necesse fuerit ad omnia premissa fideliter obseruanda Renunciando regie prohibicioni et omnibus iuris remediis tam canonici quam ciuilis eis contra premissa aliquatenus valituris In cuius rei testimonium dicti abbas et conuentus parti huius cyrographi penes dictum Galfridum residenti commune sigillum suum apponi fecerunt et alteri parti tam dictus Galfridus quam plegii sui predicti sigilla sua apposuerunt Datum in festo sancti Martini anno gratie MCC octuagesimo octauo