Charter Document - 05880144
| Charter Number: | 05880144 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1264 |
| Date type: | Internal, A.D., Feast |
| Resource Link(s): |
|
Charter:
Anno gratie MCCLX quarto ad festum beati Petri ad uincula ita conuenit inter Willelmum abbatem de Derleya et eiusdem loci conuentum ex una parte et Rogerum de Glapwell capellanum ex altera videlicet quod dicti abbas et conuentus dimiserunt et concesserunt eidem Rogero decimam garbarum prouenientium de territorio de Glapwell usque ad terminum quatuor annorum proximo subsequentium pro quatuor marcis in quolibet anno eisdem soluendis scilicet ad Inuencionem Sancte Crucis duas marcas argenti et ad testum sancti Jacobi duas marcas argenti Idem vero Rogerus ministrabit per se uel per capellanum ydoneum si per se non ualuerit cum clerico ydoneo in capella eiusdem ville competenter et honeste per totum tempus supradictum De terris vero que dicti canonici propriis sumptibus excolunt decimas non percipiet nec de terris que eis conferri contigerit infra dictum terminum Completo termino quatuor annorum dicte decime ad dictos abbatem et conuentum reuertentur plenarie et solute In cuius rei testimonium dicte partes alternis scriptis hanc conuencionem continentibus sigilla sua apposuerunt