Charter Document - 05880143
| Charter Number: | 05880143 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1251 |
| Date type: | Internal, Regnal |
| Resource Link(s): |
|
Charter:
Nouerint uniuersi hoc scriptum uisuri uel audituri quod ego Ricardus de Glappwell capellanus obligaui me abbati et conventui de Derl in hac forma Videlicet quod cum ipsi caritatiue concesserint ac permiserint me ministrare in capella prefate uille per unum annum tantum scilicet annum regni regis Henrici tricesimum sextum incipientem ad festum sancti Michaelis anni tricesimi quinti eiusdem ego in fine ipsius anni a dicta capella gratis recedam nichil omnino a dictis abbate et conventu exigens nomine expensarum uel sumptuum ibidem factorum nisi abbas et conuentus exigente honestate uite mee gratiam mihi uelint facere ab illo tempore ulterius in dicta capella ministrandi Volo etiam et presenti scripto concedo quod siquid impetrauerim uel impetrare possim contra abbatem et conuentum super ulteriore administracione dicte capelle uel super restitutione mihi facienda pro expensis et sumptibus ibidem factis in domibus et terris uel super aliquo alio contra eosdem irritum habeatur et innane In cuius rei testimonium presenti scripto sigillum meum apposui Hiis testibus Simone filio Hugonis de Glappwell Radulfo et Rogero de eadem Willelmo de eadem Henrico de Wytel Willelmo de Normanton et aliis