Charter Document - 05880136
| Charter Number: | 05880136 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1258 - 1272 |
| Date type: | Assigned |
| Resource Link(s): |
|
Charter:
Sciant presentes et futuri quod ego Radulfus de Rerisby dedi concessi et hac presenti carta mea confirmaui deo et ecclesie beate Marie de Derleya et canonicis ibidem deo seruientibus unam bouatam terre et dimidiam cum tofto et crofto et omnibus pertinenciis suis in villa et territorio de Glapwell illam scilicet bouatam cum pertinenciis quam emi aliquando de Johanne vicario de Scardecliue et dimidiam bouatam cum pertinenciis quam emi de Alicia filia quondam Roberti vicarii del Heth Habendam et tenendam eisdem canonicis et eorum successoribus in liberam et perpetuam elemosinam cum omnibus pertinenciis libertatibus et aysiamentis ad tantam terram pertinentibus infra villa de Glapwell et extra Reddendo inde annuatim mihi et heredibus meis tres denarios et obolum in festo Pentecosten et tres denarios et obolum ad festum sancti Martini pro omni seruicio consuetudine secta curie exaccione et demanda saluo forinseco Ego uero Radulfus et heredes mei predictam bouatam terre et dimidiam cum tofto et crofto et omnibus pertinentiis suis predictis canonicis et eorum successoribus ut liberam et perpetuam elemosinam contra omnes gentes per predictum seruitium ut predictum est warantizabimus adquietabimus et defendemus in perpetuum In cuius rei robur et testimonium presenti scripto pro me et heredibus meis sigillum meum apposui Hiis testibus Simone de Glapwell Willelmo de Leke Roberto le Grant Willelmo filio Thome de Walleya Henrico de Wytel Ranulfo de Swanewyk Hugone de Ulkerthorp et aliis