Charter Document - 05880134
| Charter Number: | 05880134 |
|---|---|
| Cartulary Title: | Glapwell Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1311 |
| Date type: | Internal, Calendar, Feast, Regnal |
| Resource Link(s): |
|
Charter:
Sciant presentes et futuri quod ego Rogerus filius Ade Bate de Glapwell dedi concessi et hac presenti carta mea confirmaui Radulfo filio Simonis de Glapwell et heredibus suis uel assignatis suis quandam placiam tofti mei in Glapwell prout per metas et hayam diuiditur et septem acras terre et dimidiam arabilis in territorio de Glapwell cum omnibus pertinentiis suis Quarum una acre iacet in campo australi et buttat unum capud super viam que ducit de Glapwell uersus Routhorn et aliud capud super quandam foream in Ouuseldaler quam Hugo de Kertelington tenet Et duas acras iacentes in eodem campo et buttant unum capud super viam que ducit de Glapwell in Pleseley et aliud capud super quamdam foveram quam Walterus de Ofton tenet Et duas acras iacentes in campo orientali et buttant unum capud super viam de Hochton et aliud capud super foveram quam Hugo de Kirteligton tenet Et duas acras iacentes in campo boriali et buttant super viam de Bollishou Et dimidiam acram iacentem in eodem campo iuxta terram Walteri de Ofton apud Hillirtre greue ex parte orientali Tenenda et habenda omnia predicta tenementa predicto Radulfo et heredibus suis uel assignatis cum omnibus pertinenciis suis de capitalibus dominis feodi per seruicia inde debita et consueta Et ego vero predictus Rogerus et heredes mei omnia predicta tenementa cum omnibus pertinenciis suis sicut predictum est predicto Radulfo et heredibus suis vel assignatis contra omnes gentes warantizabimus aquietabimus et ubique defendemus in perpetuum In cuius rei testimonium sigillum apposui Datum apud Glapwell die veneris proxima ante festum omnium sanctorum anno regni regis Edwardi filii regis Edwardi quinto